ယ့ၫၡုၬမၩဘျၪထဲၩ့ၦမ့ၬဘျီၪ လၧအအၪ့ကံၩ့အၪ့ဆၧလဂၩ.

တၭထီးအလ့ၩဘူၭ လၧယ့ၫရခိၫနီၪ ၦအမ့ၬဘျီၪ ဆၧၫ့နၩ့အၪ့ကံၩ့ဆၧ လၧဖၧၩ့ၥၭအနဲၩ့ထံၭလီၫ.- အဝ့ၫလဂၩနါဂၧၫ့ၦခမျၧးဂဲၫဝ့ၫတၭႇ အၪ့စၪ့ဝ့ၫႇ မွဲဆၧနီၪလဲၪ.-

တၭၦလီၩဘၪဝ့ၫႇ မွဲၦနၭဇရ့ၭဖိၪယ့ၫၡုၬဂဲၫဝ့ၫလီၫ.- အဝ့ၫဒၪကိၭၡၭထၪ့တၭႇ စံၭဝ့ၫႇ စဒၫဝံၭအဖိၪခွၫယ့ၫၡုၬဧ့ႇ ယၫ့ၥုၪ့ယၫ့ၥၭလါယၧၩဆံၭ.- ၦလ့ၩလၧယၫလဖၪနီၪ ဘဲၫၥိၭအဆၧမိအီၪလၩ့မါပံၭတၭႇ အၪ့လၬအဝ့ၫလါနၫ့ဘိၩ့ႇ မွဲအကိၭၡၭအၪထၪ့လခီၫနီၪႇ စဒၫဝံၭအဖိၪခွၫဧ့ႇ ယၫ့ၥုၪ့ယၫ့ၥၭလါယၧၩဆံၭ.

 ယ့ၫၡုၬအီၪထီတၭႇ အၪ့မၧၫ့ၦၡၩကိၭန့အဝ့ၫဒၪလီၫ. ထီးအဂဲၫဘူၭတၭႇ ယ့ၫၡုၬအၪ့စၪ့အဝ့ၫႇ စံၭႇ နၥၭအီၪလၧယမိမၩနၧၩ လၧဆၧနီၪလမံၩ့လဲၪ.- အဝ့ၫဒၪစံၭဝ့ၫႇ ကဆါဧ့ႇ မွဲဘဲၫၥိၭယမိဒၪထၪ့ထဲၩ့ဆၧလီၫ.-

ယ့ၫၡုၬစံၭအဝ့ၫႇ မွဲနဒၪထၪ့ထဲၩ့ဆၧဆံၭ. နဆၧနဲၩနီၪ မၩဘျၪထဲၩ့ယူၭနၧၩယူၭ.- အဝ့ၫလဂၩဒၪထၪ့ထဲၩ့ဆၧချဲၫ့မၬႇ စံၭထၪ့အၪ့အူၭယွၩတၭႇ ဖိၬထၪ့အခဲၫ့လီၫ. ၦထီးအလူၬဒၪဘၪဝ့ၫတၭႇ အၪ့အူၭထၪ့ယွၩလီၫ.