ယ့ၫၡုၬမၩဘျၪထဲၩ့ၦမ့ၬဘျီၪ စဘၫတမံအၧၭ.

အဝ့ၫၥံၪလ့ၩထီၩ့လၧယ့ၫရခိၫလီၫ. ထီးအစဲၪ့ထၪ့ခွံၬလၧယ့ၫရခိၫနီၪ, အထံၩအဖျဲၥံၪ ဒဲၦခမျၧးဖၭ ဒိၪဖိၬထၪ့အခဲၫ့ဆ့တၭ, စတမံအၧၭအဖိၪခွၫၦအမ့ၬဘျီၪစဘၫတမံအၧၭလဂၩ, ဆၧၫ့နၩ့အၪ့ကံၩ့ဆၧလၧဖၧၩ့ၥၭအနဲၩ့ထံၭလီၫ.- ထီးအနါဂၧၫ့လၧအမွဲၦနၭဇရ့ၭဖိၪယ့ၫၡုၬနီၪ, ကိၭၡၭထၪ့ဆၧတၭ, စံၭဝ့ၫဒၪ, စဒၫဝံၭအဖိၪခွၫယ့ၫၡုၬဧ့, ယၫ့ၥုၪ့ယၫ့ၥၭလါယၧၩဆံၭ. ၦအၪဂၩအၪ့လၬလါနၫ့ အဝ့ၫနီၪ ဘဲၫၥိၭအမိအီၪလၩ့မါပံၭတၭ, မွဲအကိၭၡၭထၪ့ဆၧဒိၪနဲၪ့အလးဒံၭအၪအၪလ့ၬ, စဒၫဝံၭအဖိၪခွၫဧ့, ယၫ့ၥၭလါယၧၩဆံၭ. 
ယ့ၫၡုၬအီၪထီဝ့ၫတၭ, အၪ့မၧၫ့ၦကိၭန့အဝ့ၫလီၫ. ၦလဖၪကိၭစိၩ ၦမ့ၬဘျီၪလဂၩနီၪစံၭဝ့ၫ, မွဲနၥၭဎွံၫထၪ့တၭ, ဂဲထုၪ့ထဲၩ့ဘီၪ, အဝ့ၫဒၪကိၭနၧၩလီၫ.- အဝ့ၫခွံၬလၩ့ခွံၬအဖၭဘဲၩ့လုၬနီၪ, ဂဲထုၪ့လ့ၩစိၩဝ့ၫလၧအအီၪလီၫ.- ယ့ၫၡုၬချဲၩ့ထၪ့ဆၧတၭ, စံၭအဝ့ၫနီၪ, မွဲနၥၭအီၪလၧယမိမၩနၧၩ လၧဆၧနီၪလမံၩ့လဲၪ. ၦမ့ၬဘျီၪစံၭဆၧၫ့ဝ့ၫႇ ရၫဘိနံၫဧ့, ဘဲၫယမ့ၬၥၪယီၩ မိဖၩ့ထၪ့ထဲၩ့ဝ့ၫအၥိၭလီၫ.- ယ့ၫၡုၬစံၭအဝ့ၫ, ထဲၩ့ထဲၩ့ဘီၪ. နဆၧနဲၩနီၪ ထိးထဲၩ့တၩ့ထဲၩ့နၧၩယူၭလီၫ. အမ့ၬၥၪ ဖၩ့ထၪ့ထဲၩ့ဝ့ၫချဲၫ့မၬတၭ, ဖိၬထၪ့အခဲၫ့လၧဖၧၩ့ၥၭလီၫ.