ယ့ၫၡုၬမၩဘျၪထဲၩ့ၦမုၪလၧအီၪကူၭလၩ့အၥၭ လဂၩလၧမးၥံၫနံၩ.

Monday, October 26, 2020

လၧမးၥံၫအနံၩလနံၩနီၪႇ အဝ့ၫဒၪၥီၪ့ထဲၩ့ၥၫ့ထဲၩ့ဆၧ လၧၥရိၬလဖျိၪ့အဖၧၩ့- ယိခွါႇ ၦမုၪလၧဆၧနၪ အီၪလၧအလီၩ့ ဘၪဆၧနၭဆၧၡၪ့ လဆံၫဎိၭနံၪ့လီၫ. အီၪကူၭလၩ့ဝ့ၫတၭႇ စီၪ့လီၩ့ထၪ့အၥၭ ကဲၪလါလါအ့ၬ.- ယ့ၫၡုၬဒၪဘၪအဝ့ၫနီၪ ကိၭထဲၩ့ဝ့ၫလၧအအီၪတၭ စံၭအဝ့ၫႇ ၦမုၪဧႇ နဆၧဆၫဘျၪထဲၩ့ယူၭ.- အီၪက့ၪအစူၪလၧအလီၩ့တၭ အဝ့ၫဒၪစီၪ့လီၩ့ထၪ့အၥၭချဲၫ့မၬတၭႇ စံၭထၪ့အၪ့အူၭယွၩလီၫ.- ယ့ၫၡုၬမၩဘျၪထဲၩ့ဆၧ လၧမးၥံၫအနံၩအကၠီၩ့နီၪႇ ၦၥရိၬအခိၪအၥၭထၪ့ဝ့ၫနီၪ ချဲၩ့ဆၧၫ့ဆၧတၭ စံၭၦခမျၧးနီၪႇ ၦကြၨၭ မၩဆၧအနံၩ အီၪဎူၫနံၩလီၫ. မၩအၥၭဘဲၫနီၪတၭ လၧအဝ့ၫၥံၪအနံၩအထးဖၧၩ့နီၪ ဂဲၫဒိၭမၩဘျၪထဲၩ့ဆၧဆံၭး- လၧမးၥံၫအနံၩနီၪမွဲအ့ၬ.

မၩအၥၭဘဲၫနီၪတၭ ကဆါချဲၩ့ဆၧၫ့ဆၧတၭႇ စံၭအဝ့ၫႇ ၦအၪ့လီၫဆၧၥံၪဧႇ နၥံၪဝ့ၫဒၪလဂၩလါလါနီၪ နၥံၪအချီဂ့ၩႇ နၥံၪအကၥ့ၪယီၩ့ဂ့ၩႇ နၥံၪကွဲၪဖျါလၧအလးတၭႇ လ့ၩမီၩ့ဒုၭအီၩဝ့ၫလၧထံၫ လၧမးၥံၫအနံၩမွဲအ့ၬဧၪ.- ၦစအၫဘြဟၫ့အဖိၪမုၪ လၧမုၪခီၩလဲးစၧၩ့ထၬအဝ့ၫႇ ယိခွါႇ လဆံၫဎိၭနံၪ့ယၫလဂၩယီၩႇ ဘၪဆၧကွဲၪဖျါခွံၬ လၧအဆၧစၧၩ့ထၬ လၧမးၥံၫအနံၩနီၪႇ မွဲလဘၪဘၪဆ့ဧၪ.

အဝ့ၫဒၪချဲၩ့ဆၧလဖၪနီၪတၭႇ အဒုၪအဒၩၥံၪ ထီးအလူၬအမ့ၬမဲတၭႇ မွဲကယဲဆၧဂ့ၩဆၧဘၪ လၧအမၩအၥၭ လၧအစူၪဖၧၩ့အကၠီၩ့နီၪႇ ၦခမျၧးၥုၪ့ထိၬၥၭထိၬ ထီးအလူၬလီၫ.