ယ့ၫၡုၬမၩဘျၪထဲၩ့ၦဆံၫဂၩ.

ဆၧမၩအၥၭလၧအလ့ၩစိၩ လၧယရုစလံၫ့နီၪႇ မွဲအလ့ၩခၫ့ဂၬခွံၬ စမ့ရအၫ ဒဲဂၫလလံၫအၥၭကျၩလီၫ.

 မိလ့ၩနုၬဝ့ၫလၧတဝၫ့လဖျိၪ့အဖၧၩ့တၭႇ ၦခံၫထူၬဆၫအၧၩ့ဆံၫဂၩ ဂဲၫထၪ့လၧဖၧၩ့ၥၭနီၪႇ ဆၧၫ့ထုၪ့ဆီၩ့ဆုၩဝ့ၫယဲၩ့ယိၬတၭ- ကိၭၡၭထၪ့ဆၧႇ စံၭဝ့ၫႇ ယ့ၫၡုၬကဆါဧ့ႇ ယၫ့ၥၭပၧၩဆံၭ.- မွဲအဒၪဘၪဝ့ၫတၭ စံၭအဝ့ၫၥံၪႇ လ့ၩဘီၪႇ ဒုၭနဲၪနၥံၪအၥၭလၧ ၦလုဆၧအမ့ၬယၫဆံၭ. ဆၧမၩအၥၭ လၧအလ့ၩဆၧအဘိၩ့ဘၭနီၪ အဝ့ၫၥံၪဆံၫ့ထၪ့ထဲၩ့ဝ့ၫလီၫ.

လၧၦလဖၪနီၪအကျၩ အလဂၩ ထီးအၥ့ၪယၫလၧ အဆံၫ့ထၪ့ထဲၩ့ဝ့ၫတၭႇ ဂဲၫထဲၩ့ထဲၩ့ စံၭထၪ့အၪ့အူၭယွၩ လၧအလူဖၭဒိၪ- ထွံၩလၩ့အခၪ့ လၧအခၪ့ထံၭတၭႇ စံၭထၪ့အၪ့အူၭအခိးအတၩလီၫ. ၦလဂၩနီၪ မွဲၦစမ့ရအၫဖိၪလီၫ.- ယ့ၫၡုၬချဲၩ့ဆၧၫ့ဆၧတၭႇ စံၭဝ့ၫႇ ၦဆံၫ့ထၪ့ယူၭဆံၫဂၩမွဲအ့ၬဧၪ. ၦခွံၫဂၩနီၪအီၪခီၫခီၫလဲၪ.- ၦဂဲၫထဲၩ့ထဲၩ့ စံၭထၪ့အၪ့အူၭယွၩအခိးအ တၩအီၪအ့ၬး အီၪန့ၫၦလခီၫဘၩ့မုးဖိၪလဂၩယီၩမၬကၨ.- တၭအဝ့ၫဒၪစံၭအဝ့ၫႇ ဂဲထုၪ့တၭႇ ထဲၩ့ထဲၩ့ဆံၭ. နဆၧနဲၩနီၪ မၩဘျၪထဲၩ့ယူၭနၧၩယူၭ.