ယ့ၫၡုၬနဲၪဖျီၪထၪ့ အလၩအဖၩ့လၧကၫနၫ

လၧၥၧၫ့နံၩလနံၩနီၪ တလၭမူၭအမူၭအီၪဝ့ၫလၧကၫနၫဘၪဆဲၫ့လၧဂၫလလံၫနီၪအဖၧၩ့တၭ, ယ့ၫၡုၬအမိ အီၪဝ့ၫထီးနီၪဆ့လီၫ.- တၭယ့ၫၡုၬဒဲအထံၩအဖျဲလဖၪနီၪ, ၦကိၭဝ့ၫလၧမူၭဖၧၩ့နီၪလီၫ.- ထီးစဘံၭထံၫလၩ့ ၡၩတၭ,ယ့ၫၡုၬအမိစံၭအဝ့ၫ, စဘံၭထံၫအီၪလၧၩ့အ့ၬ.- ယ့ၫၡုၬစံၭအဝ့ၫ, ၦမုၪဧ့, ဆၧဘၪဆဲၫ့လၧယၧၩ ဒဲနၧၩယီၩမွဲဆၧနီၪလမံၩ့လဲၪ. ယနၩရံၩဘၪဒံၭအ့ၬ. အမိစံၭဆၧအခ့ၫအၡၩၥံၪ, ထီးဒၪအစံၭနၥံၪလမံၩ့ မံၩ့နီၪ,မၩနၥံၪဝ့ၫဘီၪ.- ဘဲၫၦယုဒၫဖိၪလဖၪၥူၫဝၭဆံၫ့ဆၧအထူၫအရူၫအီၪဝ့ၫအၥိၭနီၪ, ဖၧၩ့လိးလၧအထီနံၫ ဒၩ့ၥၧၫ့ဒၩ့အီၪဝ့ၫထီးနီၪဎူၫဖျိၪ့လီၫ.- ယ့ၫၡုၬစံၭအဝ့ၫၥံၪ,မၩဎွ့ၩဖၧၩ့လဖၪနီၪလၧထံၫဘီၪ, တၭအဝ့ၫၥံၪမၩ ဎွ့ၩဝ့ၫထီၩ့လၧအခိၪဖဲၩ့လီၫ.- တၭအဝ့ၫဒၪစံၭအဝ့ၫၥံၪဘိၩ့နဲၪ့ယီၩ ဘျႃၪ့န့တၭ, လ့ၩဆိၬလၧမူၭအခိၪလ ဂၩအအီၪဘီၪ. တၭအဝ့ၫၥံၪလ့ၩဆိၬဝ့ၫလီၫ. ထံၫလၧအကဲၪထၪ့စဘံၭထံၫနီၪ, မူၭအခိၪထဲးယိဝ့ၫတၭ, မွဲအဂဲၫအထံၭ ခီၫခီၫလဲၪနီၪ ၥ့ၪယၫဝ့ၫအ့ၬ. အ့ၪမွဲအခ့ၫအၡၩၥံၪ လၧအဘျႃၪ့န့ထံၫနီၪၥ့ၪယၫဝ့ၫလီၫ. မူၭအခိၪ ကိၭတလၭမူၭအခွၫတၭ,- စံၭအဝ့ၫ, ၦကိၭဂၩဒ့ၭ အီၪက့ၪလၩ့ဆိၫ စဘံၭထံၫ အဂ့ၩတၭ, ထီးၦအီၩဝ့ၫဘျဲၩအီၩနီၪ အီၪက့ၪလၩ့ထဲၩ့စဘံၭထံၫ လၧအဘျၩလီၫ. အ့ၪမွဲနဝ့ၫဒၪလဂၩယီၩ နအီၪက့ၪလၩ့ထးဒံၭစဘံၭထံၫအဂ့ၩ ခီးဘိၩ့နဲၪ့ယီၩလီၫ.- ယ့ၫၡုၬမၩလၩ့လၭဆိၫဆၧယီၩ လၧကၫနၫ ဘၪဆဲၫ့လၧ ဂၫလလံၫအဖၧၩ့နီၪ နဲၪဖျီၪထၪ့ အလၩအဖၩ့တၭ, အထံၩအဖျဲၥံၪနဲၩဝ့ၫဒၪလီၫ.