ယ့ၫၡုၬဒဲဘၫအလၭဇဘၧၭ.

အဝ့ၫဒၪနၫ့ထၪ့ခွံၬ ဆၧနၪအုၭအၭလဒုၩနီၪႇ ဆၧမၩ အၥၭလၧဆၧနၪစဲၪ့ထၪ့ခွံၬဝ့ၫတၭႇ  ၦအုၭအၭနီၪချဲၩ့ထၪ့ဝ့ၫတၭႇ ၦခမျၧးထီၫမံၫထီၫမၪဝ့ၫဒၪလီၫ.- ၦအီၪလၧအကျၩလနၩ့နၩ့ႇ စံၭဝ့ၫႇ မွဲအနၫ့ထၪ့ခွံၬဆၧနၪ လၧဆၧနၪအခိၪ ဘၫအလၭဇဘၧၭလီၫ.- အဂူၫဂၩလနၩ့ႇ ကျဲၩ့ဖစီၩ့ဆၧတၭႇ အၪ့ကံၩ့ဆၧလၩ့လၭလၧမူၭခိၪ လၧအဝ့ၫဒၪလီၫ.-

အဝ့ၫဒၪၥ့ၪယၫအဝ့ၫၥံၪ အဆၧကိၪ့ထၪ့ဖၭလၩ့လဖၪတၭႇ စံၭအဝ့ၫႇ ကယဲဘၩ့မုးလၧအမၩလၩ့ဖၭလိၬအၥၭနီၪႇ မိအီၪယူဝ့ၫလီၫ. ဂံၪ့အ့ၪလၩ့ဖၭလိၬအၥၭတၭႇ မိလၩ့ဎီးဝ့ၫလီၫ.- မုၪခီၩလဲး အ့ၪလၩ့မုလၩ့ဖၭဝ့ၫ လၧအနၫ့ဆါဒၪဝ့ၫတၭႇ အဘၩ့အမုး မိခၧၫ့ဝ့ၫဘဲၫၥ့ၪလဲၪ.

အဂဲးဘဲၫယီၩ နၥံၪစံၭလၧယနၫ့ထၪ့ခွံၬဆၧနၪ လၧဘၫအလၭဇဘၧၭလီၫ.- ယအ့ၪ နၫ့ထၪ့ခွံၬဆၧနၪ လၧဘၫအလၭဇဘၧၭတၭႇ မွဲနၥံၪအဖိၪခွၫၥံၪနၫ့ထၪ့ခွံၬဆၧနၪ လၧပလၫလဂၩလဲၪ. မၩအ ၥၭဘဲၫနီၪတၭႇ ၦလဖၪနီၪမိကဲၪထၪ့ဝ့ၫ လၧၦစ့ၩရၫ့နၥံၪလီၫ.- အ့ၪမွဲယၧၩယီၩ ယအ့ၪနၫ့ထၪ့ခွံၬဆၧနၪ လၧယွၩအစူၪနိၩ့တၭႇ မွဲမၬႇ ယွၩအဘၩ့အမုးဂဲၫထီၩ့ယူၭ လၧနၥံၪအအီၪယူၭ.

ထီးၦၡၩအဆီၪ့အီၪလၧအစူၪဝဲၩနီၪ အ့ၪပၧၩ့ဘၪအဂံၪ့အဘိၩ့ဘၭတၭႇ အဆၧဖိၪဆၧလံၩ အီၪခၧၫ့ဝ့ၫလီၫ.- မွဲလါနၫ့ဘိၩႇ ထီးၦအဂဲးအဘၭဆီၪ့နဲၪ့အဝ့ၫနီၪလဂၩ အ့ၪဂဲၫမၩနၧၩ့မၩစၪအဝ့ၫတၭႇ အဝ့ၫဒၪမိမၩ န့ခွံၬအစူၪဝဲၩလၧအဒိၭနဲၩ့အၥၭ လၧအဖၧၩ့တၭႇ အၪ့နၩ့ဖၭအဆၧဖိၪဆၧလံၩအဆၧၫ့လီၫ.

ၦလၧအလအီၪဘၪဝ့ၫလၧယၥိၭယီၩႇ မွဲအထၫ့ဒုၪထၫ့ဒၩယၧၩတၭႇ ဒဲၦလၧအလအၪ့ထုၫ့ကီၪ့ဘၪဆၧ လၧယၥိၭယီၩႇ မွဲအမၩပြံၩပြၩဆၧလီၫ.