ယ့ၫၡုၬဒဲဘၫအလၭစဘၧၭ

ၦကွ့ၭလံၬလဖၪ လၧအဂဲၫလၩ့လၧယရုစလံၫ့စံၭဝ့ၫ ဒၪ, မွဲဘၫအလၭစဘၧၭအီၪဝ့ၫလၧအလီၩ့တၭ, နၫ့ ထၪ့ခွံၬဆၧနၪလၧဆၧနၪအခိၪအကၠီၩ့လီၫ.- အဝ့ၫဒၪ ကိၭန့အဝ့ၫၥံၪလၧအအီၪတၭ, လီၩဘၪဝ့ၫလၧဆၧချဲၩ့ အဒီၩ့ မုၪခီၩလဲးနၫ့ထၪ့ခွံၬ မုၪခီၩလဲးနီၪမိၥ့ၪဘဲၫၥ့ၪ လဲၪ.- ဆၧအဘၩ့အမုးအ့ၪလၩ့ဖၭလိၬအၥၭတၭ, ဆၧ လၧအဘၩ့အမုးနီၪအီၪဂုးခၧၫ့ဝ့ၫၥ့ၪအ့ၬ.- ဂံၪ့ၥံၪဎၫ့ ၥံၪအ့ၪလၩ့ဖၭလိၬအၥၭတၭ, ဆၧလၧဂံၪ့နီၪအီၪဂုးခၧၫ့ ဝ့ၫၥ့ၪအ့ၬ.- မုၪခီၩလဲးအ့ၪထၫ့ဒုၪဒၩမုၪခီၩလဲးတၭ, လၩ့မုလၩ့ဖၭဝ့ၫတၭ,အီၪဂုးခၧၫ့ဝ့ၫလၥ့ၪဘၪတၭ, မိ ထုၬဝ့ၫဒၪလီၫ.- ၦအ့ၪလစၧၩ့ထၬဆိၫဒၪခလူၬဘၪၦ အဂဲးဆီၪ့နီၪ, မွဲအနုၬအၪ့ဂူၬန့အဆၧလၧအဂံၪ့ဖၧၩ့မိ ၥ့ၪဘဲၫၥ့ၪလဲၪ, အ့ၪမၩဘဲၫနီၪဂီၩ့တၭ, အၪ့ဂူၬန့အဆၧ ၥ့ၪလီၫ.- ယလီၩဘၪနၥံၪတီၩတီၩယီၩ,ကယဲဆၧဒဲၩ ဘၭထီးအလူၬ, ဒဲထီးဒၪဆၧဒုၪဒွ့ၪလၧၦဒုၪဒွ့ၪဝ့ၫနီၪ, ဆၧမိမၩဖီၩ့မၩဖျ့ၭန့ၦၡၩအဖိၪခွၫၥံၪလီၫ.- အ့ၪမွဲထီး ဒၪၦလဂၩဂၩ လၧအဒုၪဒွ့ၪဘၪၥၭမုဆံၫ့ဎံၪနီၪဆၧ မၩဖီၩ့မၩဖျ့ၭ အဆၧဒဲၩဘၭနးဆိၭအ့ၬ. မွဲအကြၨၭ ဘၪဆၧစ့ၩရၫ့စၪ အဆိၩဆိၩအကၠၪကၠၪလီၫ.- အဂဲး ဘဲၫယီၩ အဝ့ၫၥံၪစံၭဝ့ၫ, ဆၧနၪအီၪလၧအလီၩ့လီၫ.