ယ့ၫၡုၬဒဲစနံၭကဒံမၧၭ.

ၦဘၪဆဲၫ့လၧၦဖၫရစံၫလဖၪ အမံၩ့စနံၭကဒံမၧၭ ၦယုဒၫဖိၪအၦဒိၪ အီၪဝ့ၫလဂၩလီၫ.- အဝ့ၫနီၪလဂၩ ဂဲၫလၧယ့ၫၡုၬအအီၪ လၧမုနၩလခီၫတၭ, စံၭအဝ့ၫ, ရၭဘံၫဧ့, ပၥ့ၪယၫလၧနမွဲ ဆရၫလၧအဂဲၫလၩ့ လၧယွၩအအီၪလီၫ. အဂဲးဘဲၫယီၩ ၦလၧအမၩလၩ့လၭဆၧ ဘဲၫနမၩနီၪ, ယွၩအ့ၪလအီၪဘၪလၧအၥိၭတၭ, မၩဝ့ၫၥ့ၪနးဂၩအ့ၬ.- ယ့ၫၡုၬချဲၩ့ဆၧၫ့ဆၧတၭ,  စံၭဝ့ၫဒၪ, ယလီၩဘၪနၧၩ တီၩတီၩလီၩ့လီၩ့ယီၩ, ၦအ့ၪလအီၪ ဖျဲၪဘၪဝ့ၫနးဖၧၫ့ဒီၭတၭ, မွဲအဒၪဘၪယွၩအဘၩ့အ မုးၥ့ၪအ့ၬ.

စနံၭကဒံမၧၭစံၭအဝ့ၫ, ၦလၧအၥၭၡါဝ့ၫနီၪ, အီၪဖျဲၪဝ့ၫမိၥ့ၪဘဲၫၥ့ၪလဲၪ. မွဲအနုၬထဲၩ့ဝ့ၫလၧအမိအဒၧၩ့လးဖၧၩ့တၭ, အီၪဖျဲၪနံၫဖၧၫ့လဖၧၫ့ဘၪမိၥ့ၪဧၪ.- ယ့ၫၡုၬချဲၩ့ဆၧၫ့ဆၧ, စံၭဝ့ၫဒၪ, ယလီၩဘၪနၧၩတီၩတီၩလီၩ့လီၩ့ယီၩ, ၦအ့ၪလအီၪဖျဲၪဘၪလၧထံၫ ဒဲလၧၥၭမုနီၪတၭ, နုၬထဲၩ့ဝ့ၫလၧယွၩအဘၩ့အမုးအဖၧၩ့ၥ့ၪအ့ၬ. ဆၧအီၪဖျဲၪလၧဆၧယၪ, မွဲဆၧယၪတၭ, ဆၧအီၪဖျဲၪလၧၥၭမု, မွဲၥၭလီၫ.-

ယစံၭနၥံၪယီၩ နၥံၪဘၪအီၪဖျဲၪ နးဖၧၫ့ဒီၭတၭ, ထီးဆီၫ့မီၪ့လၩ့လၭ လၧနၥံၪအၥၭလဂ့ၩ.- ဆၧလၧလံၩယီၩ, ထီးဒၪအမိအူၪဘၪအၥၭလၧ ဆၧနးစီၪ့နီၪ, အူၪဝ့ၫဒၪလီၫ. နနါဂၧၫ့လါနၫ့အၥီၫတၭ, မွဲအဂဲၫခီၫခီၫလဲၪ, လ့ၩခီၫခီၫလဲၪနီၪ, နၥ့ၪယၫအ့ၬ. ကယဲၦအီၪဖျဲၪဝ့ၫလၧၥၭမုယီၩ မၩအၥၭဘဲၫနီၪၥိၭကိၭဂၩဒ့ၭလီၫ.-