ယ့ၫၡုၬဒုၭအၪ့ၦယဲထီၫ့ဂၩ.

ဆၧလဖၪနီၪအလးခဲၫ့တၭ, ယ့ၫၡုၬခၫ့ဂၬကွံၩဂၫလလံၫ လၧအမွဲတဘံရအၭလၧဝါလခီၫလီၫ.- ၦခမျၧးဒၪဘၪအမၩဆၧလၩ့လၭ လၧၦစူၭၦဆၫအလီၩ့တၭ, ဖိၬထၪ့အခဲၫ့လီၫ.-

ယ့ၫၡုၬလ့ၩထၪ့ဝ့ၫလၧခိၪလီၩ့လဖျိၪ့အလီၩ့ ဆၧၫ့နၩ့ဝ့ၫလၧအထံၩအဖျဲၥံၪအၥိၭ ထီးနီၪလီၫ.- လၩ့ဘူၭလၧအမိဘၪၦယုဒၫဖိၪအဘိၪ့လ့ၩဖၬနီၪဆ့လီၫ.-

ယ့ၫၡုၬစၪ့ထၪ့အမ့ၬၥၪ ဒၪဘၪၦခမျၧးဖၭ ဒိၪဂဲၫလၧအအီၪတၭ, စံၭစဖံလံၭနီၪ, ဘဲၫအဝ့ၫၥံၪမိအၪ့ဘၪဆၧအၥိၭ ပဎွ့ၩကိၪနီၪမိန့ခီၫခီၫလဲၪ.- ဘဲၫၥိၭ အမိမၩခွါအဝ့ၫဒၪတၭ, စံၭဆၧဘဲၫနီၪအၥိၭလီၫ. အဂဲးဘဲၫယီၩ မွဲအမိမၩဝ့ၫဘဲၫၥ့ၪလဲၪဘဲၫၥ့ၪလဲၪနီၪ အနၫ့ဆါၥ့ၪယၫဒၪဝ့ၫလီၫ.-

စဖံလံၭစံၭဆၧၫ့အဝ့ၫ, ဘဲၫၥိၭ အဝ့ၫၥံၪမိန့ဘၪဂၩဆံၭဂၩဆံၭတၭ, ကိၪအဎွ့ၩဒန့ရံၫနံၫယၩလၧၫ့အ့ၬ.- အထံၩအဖျဲစအၫ့ဒူၫ, လၧအထၧၫ့ဖုဝဲလၧစစဲမၧၫ့ပံတၧၫလဂၩ,- စံၭအဝ့ၫဖိၪၥၪအီၪထီး ယီၩလဂၩအကိၪအီၪယဲလီၪ့, ဒဲအယၪအီၪနံၫဘံၪ့လီၫ. မွဲလါနၫ့ဘိၩ, ဆၧလဖၪနီၪ လၧၦၡၩဎွ့ၩယီၩအဂး မွဲဆၧနီၪလဲၪ.-

ယ့ၫၡုၬစံၭဝ့ၫ, အၪ့မၧၫ့ၦၡၩဆၧၫ့နၩ့ဒံၩ့ခံၫ့ဘီၪ. လၧအလးထီးနီၪ နၪ့အီၪအၪမၬလီၫ. မၩအ ၥၭဘဲၫနီၪတၭ, ၦဆၧၫ့နၩ့ဒံၩ့ခံၫ့လဖၪနီၪ အီၪဖိၭဘိၭယဲထီၫ့လီၫ.- ယ့ၫၡုၬမၩန့ကိၪနီၪ, စံၭထၪ့အၪ့အူၭဆၧအခိးအတၩဂီၩ့, ဖ့ၪလၫ့ၦလၧအဆၧၫ့နၩ့ဒံၩ့ခံၫ့လဖၪ နီၪလီၫ. ဘဲၫနီၪအၥိၭ ယၪနံၫဘံၪ့နီၪ, ထီးဒၪၦမိန့ဘၪအၥၭလီၫ.- ထီးအဝ့ၫၥံၪအၪ့ဘျဲၩအၪ့ဝ့ၫတၭ, ဘဲၫၥိၭ ဆၧထီးလၩ့မါနးဆံၭလဂ့ၩ, အဝ့ၫဒၪလီၩဘၪအထံၩအဖျဲၥံၪ အၪ့ထုၫ့ကီၪ့ထဲၩ့အဘျဲၪအဆဲဘီၪ.- မၩအ ၥၭဘဲၫနီၪတၭ, ၦအၪ့ကိၪယဲလီၪ့နီၪ, အဘျဲၪအဆဲအီၪလၩ့ထးဝ့ၫ, အဝ့ၫၥံၪအၪ့ထုၫ့ကီၪ့ထဲၩ့ဝ့ၫ, ဎွ့ၩဒၩ့လဆံၫနံၫဖျိၪ့လီၫ.

မၩအၥၭဘဲၫနီၪတၭ, ၦလဖၪနီၪဒၪဘၪလၧယ့ၫၡုၬ မၩဆၧလၩ့လၭတၭ, စံၭဝ့ၫ, အယီၩမွဲမၬ, မီၪလၧအဂဲၫလၩ့ လၧဂၪ့ခိၪယီၩလဂၩလီၫ.- မၩအၥၭဘဲၫနီၪတၭ, ယ့ၫၡုၬၥ့ၪယၫဝ့ၫ လၧအဝ့ၫၥံၪမိဂဲၫမၩန့ဆီၪ့ဝ့ၫ, ဘဲၫၥိၭအမိဒုၭကဲၪထၪ့လၧစဎွၩတၭ, လ့ၩထၪ့ဒီၭဝ့ၫလၧ ခိၪလီၩ့အလီၩ့လဂၩဎးလီၫ.

 

Add new comment

7 + 3 =