ယ့ၫၡုၬဒိၭဘၧၩ့လၩ့ၥၭ

ထီးနီၪလဖၧၫ့ယ့ၫရှူၬစဲၪ့ထၪ့ခွံၬလၧဂၫလလံၫဂဲၫ ထီၩ့လၧစယီဟၫ့အအီၪ ထီးယီၫဒၫ့အနဲၩ့, ဘဲၫၥိၭအ မိဒိၭဘၭတံၫဇၫ့ဘၪအၥၭလၧအစူၪဖၧၩ့လီၫ.- အ့ၪမွဲစယီဟၫ့ ချဲၩ့ထၬဝ့ၫတၭ, စံၭဝ့ၫဒၪ, ယဝ့ၫဒၪယီၩ, ယဒိၭဘၭတံၫဇၫ့ယၥၭ လၧနစူၪဖၧၩ့အလးအီၪတၭ, မွဲနဂဲၫနဝ့ၫလၧယအီၪဧၪ.- 
ယ့ၫရှူၬချဲၩ့ထၪ့စံၭဆၧၫ့ဝ့ၫ, ဘိၩ့နဲၪ့ယီၩ ဖ့ၪလၫ့ယၧၩဆံၭ. အဂဲးဘဲၫယီၩ ဂ့ၩပမၩလၧၫ့ထၪ့ဎွ့ၩထၪ့ ကယဲဆၧတီၩဆၧလီၩ့ ဘဲၫနီၪအၥိၭ ထီးအလူၬလီၫ.- ထီးနီၪလဖၧၫ့တၭ, အဝ့ၫဒၪဖ့ၪလၫ့ဝ့ၫလီၫ. ယ့ၬရှူၬဒိၭဘၭတံၫဇၫ့အၥၭဂီၩ့, စဲၪ့ထၪ့ ခွံၬလၧထံၫကျၩချဲၫ့မၬတၭ, ယိခွါ, မူၭခိၪဝဲထၪ့အၥၭလၧအကၠီၩ့တၭ, အဝ့ၫဒၪဘၪယွၩအၥၭမုဂဲၫ လၩ့ဘဲၫထိၪလွံအၥိၭတၭ, ဆီးလၩ့လၧအလီၩ့နီၪလီၫ. ယိခွါ,ဆၧၥီၫလၩ့လၧမူၭခိၪစံၭဝ့ၫဒၪ, အဝ့ၫဒၪလဂၩယီၩ,မွဲယဖိၪခွၫၥၭဘီၩ့လဂၩတၭ, မုၬယၥၭ လၧအဝ့ၫဒၪလီၫ.