ယ့ၫၡုၬဎြံၬဘၪထိးဆၧနၭဆၧၡၪ့ဒဲဘၪထိးၥံၫ

...ဘဲၫၥိၭဆၧကွ့ၭအၥၭမိလၧၫ့ထၪ့ ဎွ့ၩထၪ့ဝ့ၫတၭ, စံၭဝ့ၫဒၪ,ဆၧၥၭဝံယၥၭလၧထံၫ လီၫ.- ဖၧၩ့လၧအအီၪဎွ့ၩဝ့ၫ လၧဆၧဆဲၪ့ထံၫအီၪဝ့ၫ ထီးနီၪလဖျိၪ့တၭ, ၦလဖၪနီၪစုၪစီၪလၩ့ဎၧၩ့မၫဆမံၭ လလီၪ့လၧဆၧဆဲၪ့ထံၫနီၪ, ထၫ့ထၪ့ဝ့ၫလၧဟံစိၭလ ဘီၩ့အခံၫထိၭဂီၩ့တၭ, ယူၬထၪ့ဝ့ၫလၧအနိၭထံၭလီၫ. မၩအၥၭဘဲၫနီၪတၭ, ထီးယ့ၫၡုၬဒိၭန့ဆၧဆဲၪ့ထံၫနီၪ, စံၭဝ့ၫဒၪ,ဆၧဂီၩ့ယူၭးဖျၭလၩ့အခိၪတၭ, ဒုၭစဲၪ့ ထၪ့ခွံၬအၥၭလီၫ. မၩအၥၭဘဲၫနီၪတၭ, ဘဲၫၥိၭအစွၪထီးအီၪလၧထုၪ့ စူၪယၫအလီၩ့လၧမးၥံၫအနံၩလဂ့ၩ, (အဂဲးဘဲၫယီၩ ဆၧလၧမးၥံၫအနံၩလနံၩနီၪ, မွဲမုနံၩအဒိၪ) တၭ,မွဲမု တဲၩ့ဝဲၩဆၧအနံၩအကၠီၩ့နီၪ, ၦယုဒၫဖိၪၥံၪအၪ့ကံၩ့ စပဲလၭဘဲၫၥိၭဆၧမိမၩခါအခၪ့တၭ, လ့ၩဆိၬခွံၬဝ့ၫ ဒၪလီၫ.- မၩအၥၭဘဲၫနီၪတၭ, ၦၥုၭဖိၪၥံၪလ့ၩမၩခါ ၦလၧအခၪ့ထံၭလဂၩအခၪ့ ဒဲအဝ့ၫလဂၩလၧအဘၪ ဆၧဖျၩထၪ့ဝ့ၫ လၧထုၪ့စူၪယၫအလီၩ့ လၧအၥိၭနီၪ လီၫ.- အ့ၪမွဲထီးအထီၩ့လၧယ့ၫၡုၬအအီၪနီၪ, ဒၪဘၪ ဝ့ၫလၧအၥံၫယူၭတၭ, မၩခါလၧၩ့ဝ့ၫအခၪ့အ့ၬ.- မွဲလါ နၫ့ဘိၩၦၥုၭဖိၪလဂၩဆ့ၭထၪ့ယ့ၫၡုၬ အဂုၬဖၩလၧဖၩ့ တၭ,အၥွံၪဒဲအထံၫယွၩလၩ့ဝ့ၫချဲၫ့မၬလီၫ. ဆၧနီၪလဖၪၦလၧအဒၪဘၪဝ့ၫနီၪထိးအၥၭတၭ, အဝ့ၫဒၪအဆၧထိးအၥၭနီၪမွဲအတီၩတၭ, ၥ့ၪယၫဝ့ၫ လၧအချဲၩ့ဆၧတီၩတီၩ ဘဲၫၥိၭနၥံၪမိနဲၩဆၧလီၫ. အဂဲးဘဲၫယီၩ ဆၧနီၪလဖၪ မၩအၥၭဘဲၫၥိၭ ဆၧကွ့ၭအ ၥၭမိလၧၫ့ထၪ့ဎွ့ၩထၪ့ဝ့ၫလၧအစံၭ, အဝ့ၫဒၪနီၪ အဎွံၪခါဝ့ၫနးဘီၩ့အ့ၬ.- ဆၧကွ့ၭအၥၭလၧ အဂူၫဂၩ, စံၭဝ့ၫဒၪ,အ ဝ့ၫ ၥံၪ နီၪ မိ ယိ ဘၪ ၦ လၧ အဆ့ၭဝ့ၫလဂၩ နီၪ လီၫ.

လၧဆၧနီၪလဖၪအလးခဲၫ့တၭ, ၦအရမၥံအၫဖိၪ စယိၥၭလဂၩနီၪအၪ့ကံၩ့စပဲလၭလၧအမိဆိၬလၩ့ယ့ၫ ၡုၬအစွၪနီၪလီၫ. (အဝ့ၫနီၪမွဲယ့ၫၡုၬအဖျဲနီၪ, မွဲလါ နၫ့ဘိၩၥၭမဲၪၦယုဒၫဖိၪတၭ, အီၪၥူၪဝ့ၫလီၫ.) စပဲ လၭဖ့ၪလၫ့အဝ့ၫဒၪလီၫ. မၩအၥၭဘဲၫနီၪတၭ, အဝ့ၫ ဒၪလ့ၩမၩန့ယ့ၫၡုၬအစွၪလီၫ. စနံၭကဒံမၧၭလၧအဂဲၫလၧယ့ၫၡုၬအအီၪ လၧမု နၩလခီၫလဂၩနီၪ, ဂဲၫဆိၬဆၧနၧၫ့မၧၫ့မူၫရၫ့လၧအလဲၩ ဎုၬဝ့ၫလၧအကၠီၫတၭ, ခံၫ့ဝ့ၫၥၧၫ့မၧၫ့ကၪယူၭလီၫ. မၩအၥၭဘဲၫနီၪတၭ, အဝ့ၫနီၪမၩန့ယ့ၫၡုၬအစွၪတၭ, ဘီၪ့ထၬဝ့ၫလၧဆၧဘွၩဖျ့ၫလံၬကံၭ, ဒဲဆၧနၧၫ့မၧၫ့ လဖၪနီၪ,ဘဲၫၦယုဒၫဖိၪၥံၪခုၪ့လၩ့ဘၧၩ့ခွံၬဆၧအထူၫ အရူၫအီၪဝ့ၫအၥိၭနီၪလီၫ. ထီးအလးလၧယ့ၫၡုၬဘၪဆၧဖျၩထၪ့ဝ့ၫလၧထုၪ့ စူၪယၫအလီၩ့နီၪကျိၭအီၪဝ့ၫလစီၪ့တၭ, လၧကျိၭဖၧၩ့ နီၪဆၧၥွၪခိၪအၥၫ့ လၧၦလအီၪက့ၪဒံၭဘၪ ၦၡၩအစွၪ လၧအဖၧၩ့နးဂၩနီၪအီၪဝ့ၫလစီၪ့လီၫ.- မၩအၥၭဘဲၫ နီၪတၭ,မွဲအဘၪၦယုဒၫဖိၪၥံၪ တဲၩ့ဝဲၩဆၧအနံၩနီၪ, ဆၧၥွၪခိၪအီၪဘူၭဝ့ၫအကၠီၩ့တၭ, အဝ့ၫၥံၪအီၪက့ၪလၩ့ ယ့ၫၡုၬထီးနီၪလီၫ.