ယ့ၫၡုၬစၭထၪ့အဆၧမၩလၧခးဂၫလလံၫ

ၦဒိၪၥံၫအီဖလၧၭဧ့, ဆၧမၩအၥၭလၧပကျၩလၧပ နဲၩပဝ့ၫလၩ့ထံးလၩ့ဆ့ၭ, ဘဲၫၦလၧအမၩဆၧအလူအ ထၫအဆၧၥ့ၪနီၪ,- ဒဲဒၪဘၪလၧအမ့ၬလၧအၥၫ့လံၩ လံၩနီၪ,ဖ့ၪလၫ့ပၧၩအၥိၭတၭ, ၦအၪဂၩအီၪက့ၪအၥၭ လၧအမိတဲၩ့ဝဲၩကွ့ၭဝ့ၫအဂဲးတၭ,- ယဝ့ၫဒၪယီၩလၧ အၥၫ့လံၩလံၩယအၪ့ဎၬ ထီးန့ဆၧလၩ့ထံးလၩ့ဆ့ၭ ထီးအလူၬတၭ, အီၪယူၭလၧယၥၭလၧယမိကွ့ၭန့နၧၩ လၧခံၫလၧထံၭ,- မွဲဘဲၫၥိၭနမိၥ့ၪယၫဆၧလၧနမၩလိၪ ဝဲၩလဖၪနီၪ လၧအမွဲဆၧအတီၩလီၫ.

ယ့ၫၡုၬထဲၩ့ထဲၩ့ဝ့ၫလၧဂၫလလံၫ အီၪဝ့ၫလၧၥၭမု အစီၩ့အမၩ့လၧအလီၩ့တၭ, အပရၧၫ့ဂၧၫ့ထၪ့ၥၩလၩ့ ထၧၫ့ခးယၫလီၫ.- အဝ့ၫဒၪၥီၪ့ထဲၩ့ၥၫ့ထဲၩ့ဆၧ လၧအ ဝ့ၫၥံၪအၥရိၬလဖၪအဖၧၩ့တၭ, ၦထီးအလူၬစံၭထၪ့ အၪ့အူၭဝ့ၫဒၪလီၫ. အဝ့ၫဒၪထဲၩ့ထဲၩ့ဝ့ၫလၧနၭဇရ့ၭလၧအဒိၪထၪ့ ဝ့ၫလၧအဖၧၩ့တၭ, ဘဲၫအထူၫအရူၫဒၪဝ့ၫအၥိၭ နီၪ, ဘၪမးၥံၫအနံၩတၭ, လ့ၩနုၬဝ့ၫလၧၥရိၬဖၧၩ့နီၪ, ဂဲထုၪ့ဝ့ၫဘဲၫၥိၭအမိဖီဘၪလံၬလီၫ.-

ဆၧဖ့ၪလၫ့အဝ့ၫ လၧမီၪစအဲၫစ့ယၫအလံၬလီၫ. ပၠၪလၩ့လံၬနီၪတၭ,ဒၪ န့ဝ့ၫအလးထီးဆၧကွ့ၭဝ့ၫ, ယွၩအၥၭအီၪလၧယလီၩ့လီၫ. အဂဲးဘဲၫယီၩဂုၪယူၭယၧၩ ဘဲၫၥိၭယမိလီၩလၩ့ လၬလၩ့ ဆၧၥၭထိၬအပရၧၫ့ လၧၦၡၪ့ဖိၪယၬဖိၪ လီၫ. အၪ့မၧၫ့လၩ့ယၧၩဘဲၫၥိၭယမိမၩဘျၪထဲၩ့ၦ အၥုၪ့ခါအၥၭလၩ့, ဘဲၫၥိၭယမိကိၭထၪ့ဆၧဖီၩ့ဖျ့ၭလၧၦဘၪဆၧ အၪ့မၧၫ့ဎီးဝ့ၫအဂး, ဒဲဒုၭဒၪထၪ့ထဲၩ့ၦလၧအမ့ၬ ဘျီၪ, ဘဲၫၥိၭယမိဖျါခွံၬၦဘၪဆၧမၩအၧၩ့မၩ နၭဝ့ၫ, ဘဲၫၥိၭယမိမၩဂၧၫ့ထၪ့ၥၩလၩ့နံၪ့လၧအဘၪယွၩ အၥၭနီၪလီၫ. အဝ့ၫဒၪထူၫထၪ့ထဲၩ့လံၬတၭ, ဖ့ၪလၫ့ထဲၩ့ဝ့ၫလၧ ဆၧအခ့ၫအၡၩလဂၩနီၪ, ဆၧၫ့နၩ့ထဲၩ့ဝ့ၫလီၫ. ၦအီၪ လၧၥရိၬဖၧၩ့ကိၭဂၩဒ့ၭလဖၪနီၪ, ယိအမ့ၬထံၫထံၫ ဆၭဆၭလီၫ.- အဝ့ၫဒၪချဲၩ့ထၪ့ၥၫ့ဆၧ လၧအဝ့ၫၥံၪ, စံၭဝ့ၫ,ဆၧကွ့ၭအၥၭယီၩ, လၧၫ့ထၪ့ဎွ့ၩထၪ့လၧနၥံၪ အနါဖၧၩ့လၧမုဆၫလနံၩယီၩလီၫ.-