ယ့ၫၡုၬဂၭဖၬလၧထံၫဖံၭခိၪ.

အဝ့ၫဒၪအၪ့မၧၫ့အထံၩအဖျဲၥံၪ လ့ၩနုၬလၧချံၫဖၧၩ့ချဲၫ့မၬတၭ ခၫ့စိၩဝ့ၫလၧဝါလခီၫ လၧဘ့ၫၥစ့ဒၫနီၪႇ ဘိၩ့အကွဲၪဖျါခွံၬၦခမျၧးလီၫ.- ကွဲၪဖျါဝ့ၫဂီၩ့တၭႇ လ့ၩထၪ့ဘၩဆိၪဖၪဆၧ လၧခိၪလီၩ့လဖျိၪ့အလီၩ့လီၫ.

ထီးမုဂၪလၩ့တၭႇ ချံၫနီၪအီၪလၧကွံၩအၥၭကျၩတၭႇ အဝ့ၫနီၪ အီၪဝ့ၫလၧခီၫ့လဂၩဎးလီၫ.- ဒၪဘၪအဝ့ၫၥံၪ ကၧးတငၨၭဆီၪ့နီၪႇ ဆၧပွံၭအၥၭလီၫ. အဂဲးဘဲၫယီၩ မွဲလံၩဘၪလၧအဂးအ့ၬ. လၧၦခိၭဆၧမုနၩလံဆၫ့လဆၫ့နီၪ အဝ့ၫဒၪလ့ၩလၧအဝ့ၫၥံၪအအီၪတၭႇ စဲၪ့ဝ့ၫလၧကွံၩဖၧၩ့လၧ ထံၫဖံၭခိၪနီၪႇ မၩအၥၭဘဲၫအမိလ့ၩဖီၩ့ခွံၬဝ့ၫအၥိၭလီၫ.-

ထီးအဝ့ၫၥံၪဒၪဘၪ အလ့ၩလၧကွံၩဖၧၩ့ လၧထံၫဖံၭခိၪနီၪႇ ဆီၫ့မီၪ့ဝ့ၫလၧအမွဲၦစၪတၭႇ ကိၭၡၭထၪ့ဝ့ၫလီၫ.- အဂဲးဘဲၫယီၩ ၦထီးအလူၬနီၪဒၪဘၪဝ့ၫတၭႇ ဝၭထိၬဝၭတ့ၭဒိၪမၬလီၫ. အဝ့ၫဒၪ ချဲၩ့ထၪ့ဝ့ၫချဲၫ့မၬတၭႇ စံၭဝ့ၫႇ မွဲနၥံၪအၥၭဎွံၫထၪ့ဘီၪ. မွဲယၧၩတၭထီးၥၭမဲၪလဂ့ၩ.-

လ့ၩနုၬဝ့ၫလၧချံၫဖၧၩ့တၭႇ လံၩပထုၬဝ့ၫဒၪလီၫ. ဆၧလၩ့လၭလၧ အဝ့ၫၥံၪအမ့ၬဖၭဒိၪတၭႇ ထီၫမံၫထီၫမၪဝ့ၫဒၪလီၫ.

 အဂဲးဘဲၫယီၩ အဝ့ၫၥံၪအၥၭနီၩ့တၭႇ လဆီၫ့မီၪ့ဘၪကိၪလဖၪ အဂဲးအကၠီၪ့လီၫ.