ယ့ၫရှူၬယၫ့ၥၭၦခမျၧးလဖၪ.

ယ့ၫရှူၬစဲၪ့ဝံၩ့ဝၩ့ကိၭဒိၩ့ကိၭတဝၫ့တၭႇ ၥီၪ့ထဲၩ့ဆၧလၧအဝ့ၫၥံၪ အၥရိၬဖၧၩ့တၭႇ လီၩလၩ့လၬလၩ့ဘၩ့မုးအဆၧၥၭထိၬအပရၧၫ့တၭႇ မၩဘျၪထဲၩ့ကယဲဆၧဆၫႇ ဒဲဆၧဆီၫ့ကိၭဆီၫ့ကဲၩ့ထီးအလူၬလီၫ.- အဝ့ၫ နီၪဒၪဘၪၦခမျၧးတၭႇ ယၫ့ၥၭဝ့ၫလီၫ. အဂဲးဘဲၫယီၩ ၦလဖၪနီၪ လၩ့ပွံၭလၩ့ထၩ့တၭႇ လၩ့မုလၩ့ဖၭဝ့ၫ ဘဲၫၥိၪလဖၪလၧ ၦလအီၪယူၬဘၪဝ့ၫအၥိၭနီၪလီၫ.- ထီးနီၪလဖၧၫ့ အဝ့ၫဒၪစံၭအထံၩအဖျဲၥံၪႇ ကူၭဆၧအလး အီၪအၪမၬတၭႇ အ့ၪမွဲၦမၩဆၧလဖၪနီၪ အီၪၡၩဂၩလီၫ.- မၩအၥၭဘဲၫနီၪတၭႇ ဘၩဆိၪဖၪအၪ့ကံၩ့ ကူၭဆၧအလးအကဆါႇ ဘဲၫၥိၭအမိအၪ့မၧၫ့လၩ့ ၦမၩဆၧလဖၪလၧကူၭဆၧအလးအဖၧၩ့နီၪဆံၭ.
အဝ့ၫဒၪကိၭန့အထံၩအဖျဲလဆံၫနံၫဂၩနီၪ လၧအအီၪတၭႇ ဖ့ၪလၫ့ဝ့ၫဆၧစီၩ့ဆၧမၩ့ လၧဆၧနၪအဖၫ့ခိၪႇ ဘဲၫၥိၭအမိနၫ့ထၪ့ခွံၬဝ့ၫႇ ဒဲမၩဘျၪထဲၩ့ကယဲဆၧဆၫ ဒဲကယဲဆၧဆီၫ့ကိၭဆီၫ့ကဲၩ့ ထီးအလူၬအၥိၭ နီၪလီၫ.
ၦလဆံၫနံၫဂၩနီၪ ယ့ၫရှူၬအၪ့မၧၫ့ အလ့ၩဆၧတၭႇ မၪလူၬဝ့ၫစံၭဝ့ၫဒၪႇ လ့ၩဖိၬဖၧၩ့ၥၭလၧ ၦဆၨၩလဖၪအအီၪလဂ့ၩႇ လ့ၩနုၬလၧၦစမ့ရအၫဖိၪ အဒိၩ့ၥံၪနးစီၪ့လဂ့ၩတၭး- အ့ၪမွဲႇ လ့ၩဆိၫဒၪခလူၬလၧၥိၪလၧ အလၩ့မါႇ ၦအံၫစရ့လၭအဂံၪ့ဖိၪ အအီၪနီၪဆံၭ.
လ့ၩလီၩလၩ့လၬလၩ့ဆၧတၭႇ စံၭနၥံၪဝ့ၫႇ မူၭခိၪအဘၩ့အမုးနီၪဘူၭထၪ့ယူၭ.- မၩဘျၪထဲၩ့ၦဆၫၥံၪႇ ဒုၭဂဲထုၪ့ထဲၩ့ ၦၥံၫလဖၪနီၪႇ မၩဆံၫ့ထၪ့ထဲၩ့ ၦလၧအခံၫထူၬဆၫအၧၩ့လဖၪနီၪႇ နၫ့ထၪ့ခွံၬဆၧနၪလဖၪဆံၭ. နၥံၪဒိၭန့ဆၧပျီၩပျီၩတၭႇ ဖ့ၪလၫ့ဆၧပျီၩပျီၩဆံၭ.