ယ့ၫရှူၬမၩဘျၪထဲၩ့ၦမ့ၬဘျီၪနံၫဂၩ.

ယ့ၫရှူၬစဲၪ့ထၪ့ခွံၬထီးနီၪႇ ၦမ့ၬဘျီၪနံၫဂၩဂဲၫဖိၬအခဲၫ့တၭႇ ကိၭၡၭထၪ့ဆၧစံၭဝ့ၫဒၪႇ စဒၫဝံၭအဖိၪခွၫဧ့ႇ ယၫ့ၥၭထဲၩ့လါပၧၩဆံၭ.- အဝ့ၫဒၪလ့ၩနုၬဝ့ၫလၧဂံၪ့ဖၧၩ့တၭႇ ၦမ့ၬဘျီၪနံၫဂၩနီၪ ဂဲၫလၧအအီၪတၭႇ ယ့ၫရှူၬစံၭအဝ့ၫၥံၪႇ ဆၧယီၩလမံၩ့ ယမၩယဝ့ၫမိၥ့ၪနီၪႇ မွဲနၥံၪနဲၩဆ့ဧၪ. အဝ့ၫၥံၪစံၭဝ့ၫ မွဲယူၭႇ ကဆါဧ့.-

ထီးနီၪလဖၧၫ့ အဝ့ၫဒၪထိၭဘၪ အဝ့ၫၥံၪအမ့ၬၥၪတၭႇ စံၭဝ့ၫဒၪႇ ဘဲၫနၥံၪနဲၩဆၧအၥိၭနီၪႇ မွဲအကဲၪထၪ့ လၧနၥံၪအဂးဆံၭ.- တၭအဝ့ၫၥံၪ အမ့ၬၥၪဖၩ့ထၪ့ထဲၩ့ဝ့ၫလီၫ. ယ့ၫရှူၬမၪလူၬဝ့ၫဆီၪ့ဆီၪ့တၭႇ စံၭဝ့ၫဒၪႇ ဘဲၫၥိၭၦ ထီးၥ့ၪယၫနးဂၩလဂ့ၩတၭႇ ထီးလၩ့နၥံၪအၥၭဆံၭ. မွဲလါနၫ့ဘိၩ အဝ့ၫၥံၪစဲၪ့ထၪ့ခွံၬတၭႇ မၩဂၧၫ့ထၪ့ၥၩ လၩ့အမံၩ့လၧခးနီၪထၧၫ့ခးယၫလီၫ.