မၩဘၪလိၬနၥၭလၧနဒုၪနဒၩ.

Friday, October 23, 2020

အဝ့ၫဒၪစံၭၦခမျၧးၥံၪႇ ထီးနၥံၪဒၪဘၪ ဆၧအုၪ့ထၪ့ လၧမုနုၬတၭး နၥံၪစံၭချဲၫ့မၬ လၧဆၧမိဂဲၫဆၧၩ့တၭ ဆၧမၩအၥၭဘဲၫနီၪလီၫ.- ထီးလံၩဂဲၫလၧမုခံၫ့တၭႇ နၥံၪစံၭလၧဆၧမိခိတၭ ဆၧမၩအၥၭလီၫ.- ၦအၪ့လီၫဆၧၥံၪဧ့ႇ ဂၪ့ခိၪဒဲမူၭခိၪအမ့ၬနီၪ နၥံၪယိနဲၪ့ၥ့ၪလီၫ. အ့ၪမွဲအမုအလၩဘိၩ့နဲၪ့ယီၩႇ မွဲဘၪနီၫလၧနၥံၪ လယိနဲၪ့ဘၪနီၪလဲၪ.

ထီးဒၪနၥံၪအၥၭနၥံၪဝ့ၫဒၪယီၩ မွဲဘၪနီၫလၧနၥံၪ လစ့ၩရၫ့ဘၪ လၧအတီၩအလီၩ့နီၪလဲၪ.- ထီးနအ့ၪ လ့ၩဆၧလၧဖၧၩ့ၥၭ လၧနဒုၪနဒၩအၥိၭ လၧၦဒိၪအအီၪတၭႇ ဘဲၫၥိၭနမိဂၭဖျ့ၭလၧအဝ့ၫနီၪတၭ အၪ့ဂူၬမၩဘီၪ. အ့ၪလမွဲဘၪတၭ အဝ့ၫမိဖ့ၪလၫ့နၧၩ လၧၦစ့ၩရၫ့ခွးတၭ ၦစ့ၩရၫ့ခွးနီၪႇ မိဖ့ၪလၫ့ထဲၩ့နၧၩ လၧၦအၪ့ကံၩ့ဆၧအခိၪတၭႇ ၦအၪ့ကံၩ့ဆၧအခိၪ မိအီၪက့ၪလၩ့နၧၩလၧထီၫ့ဖၧၩ့လီၫ.- ယလီၩဘၪနၧၩ ထီးလၧအထုၬလဘံၪ့နီၪ နလချုၭလိၭထူၬခွံၬဒံၭဘၪတၭႇ နစဲၪ့ထၪ့ခွံၬ ဘၪထီးနီၪအ့ၬ.