မၩန့ထုၪ့စူၪယၫဒဲဖိၭအခဲၫ့

ထီးအကိၭန့ၦခမျၧး ဒဲအထံၩအဖျဲၥံၪ လၧအအီၪတၭ, စံၭအဝ့ၫၥံၪ, ထီးဒၪၦလၧဆၧမိဖိၬဘၪအၥၭလၧ ယခဲၫ့လဂၩဂၩနီၪ, မွဲအခွံၬၡိၭခွံၬအၥၭဒၪဝ့ၫ, မၩန့အထုၪ့စူၪယၫတၭ,ဖိၬယခဲၫ့ဆံၭ.- အဂဲးဘဲၫယီၩထီး ဒၪၦလၧအမိထိးထဲၩ့ဘၪအၥၭ လၧအၥၭမၧၫ့လဂၩဂၩနီၪ,အၥၭမၧၫ့မိလၩ့မါဝ့ၫဒၪလီၫ.

ထီးဒၪၦလၧအ ၥၭမၧၫ့လၩ့မါခွံၬဝ့ၫလၧယကၠီၩ့, ဒဲလၧဆၧၥၭထိၬအ ပရၧၫ့အကၠီၩ့လဂၩဂၩနီၪ, မွဲအမိထိးထဲၩ့တၩ့ထဲၩ့ဝ့ၫ လခီၫလီၫ.- အဂဲးဘဲၫယီၩၦအ့ၪန့ဘၪဂၪ့ခိၪထၧၫ့ဖျိၪ့ ယၫတၭ, အၥၭၡီၩ့အ့ၪလၩ့မါခွံၬဝ့ၫနီၪ, မွဲအန့ကၩဆၧနီၪလဲၪ.- လၧအၥၭၡီၩ့အဂးနီၪ, မွဲၦမိဖ့ၪလၫ့အ ဎွ့ၩလၧဆၧနီၪလမံၩ့လဲၪ.-

အဂဲးဘဲၫယီၩထီးဒၪၦအီၪလၧၦအဲၪဘိၩ့ဆၧ ဒဲဆၧဒဲၩဘၭဖိၪအဆိၩယီၩအကျၩတၭ,လၧအမ့ၬမဲလၧယကၠီၩ့ ဒဲလၧယဆၧချဲၩ့အကၠီၩ့ လဂၩဂၩနီၪ, ထီးၦၡၩအဖိၪခွၫဂဲၫလၩ့ဝ့ၫ လၧအဖါအလၩအဖၩ့အဖၧၩ့ ဒဲလၧအၥီၫ့ဆံၫ့ဎံၪလဖၪ အၥိၭတၭ,အမ့ၬမိမဲဝ့ၫလၧအဝ့ၫၥံၪအကၠီၩ့ဆ့လီၫ.

အဝ့ၫဒၪစံၭၦလဖၪနီၪ, ယလီၩဘၪနၥံၪတီၩတီၩ, ၦဆၧၫ့ထုၪ့ထီးယီၩလနၩ့နၩ့ လချႃၭဒၪဒံၭဘၪယွၩ အ ဘၩ့အမုးဂဲၫထဲၩ့လၧအစီၩ့အမၩ့နီၪ မွဲအထဲးယိဘၪ ဆၧၥံၫအ့ၬ.