နၥံၪနီၫ့ယါလၩ့ထဲၩ့နၥံၪအၥၭ လၧအလးခဲၫ့ဆ့အ့ၬ.

မွဲနၥံၪဆီၫ့မီၪ့နၥံၪဝ့ၫဘဲၫၥ့ၪလဲၪ. ၦလဂၩအဖိၪ ခွၫအီၪနံၫဂၩတၭႇ ဂဲၫဝ့ၫလၧအခၪ့ထံၭလဂၩအအီၪနီၪႇ စံၭဝ့ၫဒၪႇ ဖိၪခွၫဧ့ႇ လ့ၩမၩဆၧလၧယစဘံၭအလးဖၧၩ့ လနံၩယီၩဆံၭ.- အဝ့ၫဒၪချဲၩ့ဆၧၫ့ဆၧတၭႇ စံၭဝ့ၫဒၪႇ ယလ့ၩအ့ၬ. မွဲလါနၫ့ဘိၩႇ လၧခဲၫ့ထဲၩ့နၪ့လၩ့အၥၭတၭႇ လ့ၩဝ့ၫလီၫ.- ဂဲၫလၧၦနံၫဂၩလဂၩ အ အီၪတၭႇ စံၭဝ့ၫဘဲၫနီၪၥိၭဆ့လီၫ. အဝ့ၫနီၪချဲၩ့ဆၧၫ့ ဆၧတၭႇ စံၭဝ့ၫဒၪႇ ယမိလ့ၩလီၫႇ ကဆါဧ့း တၭလ့ၩဘၪအ့ၬ.-

ၦနံၫဂၩနီၪ မွဲအမၩဝ့ၫထီးဒၪအဖါအၥၭ လဂၩဂၩလဲၪ. အဝ့ၫၥံၪစံၭဝ့ၫႇ လၧအခၪ့ထံၭလဂၩလီၫ. ယ့ၫရှူၬစံၭဆၧၫ့ဝ့ၫႇ ယလီၩဘၪနၥံၪတီၩတီၩ လၧၦအၪ့ကံၩ့အခီၫ့ ဒဲၦမဲၩဎွဲၩမုၪလဖၪနီၪ လ့ၩနုၬဝ့ၫလၧမူၭခိၪအဘၩ့အမုးအဖၧၩ့ လၧနၥံၪအမ့ၬယၫလီၫ.-

အဂဲးဘဲၫယီၩ စယီဟၫ့ဂဲၫလၧဆၧတီၩဆၧလီၩ့အဖၧၩ့ၥၭႇ နၥံၪနဲၩအ့ၬ. အ့ၪမွဲၦအၪ့ကံၩ့အခီၫ့ ဒဲၦမဲၩဎွဲၩမုၪလဖၪနီၪနဲၩဝ့ၫတၭႇ နၥံၪဒၪဘၪနၥံၪဝ့ၫတၭႇ ဘဲၫနၥံၪ မိနဲၩဝ့ၫအၥိၭႇ နၥံၪနီၫ့ယါလၩ့ထဲၩ့နၥံၪအၥၭ လၧအလးခဲၫ့ဆ့အ့ၬ.