ထီးၥုၪ့ခိၥၭဝီၩလဂ့ၩ

ယ့ၫၡုၬချဲၩ့ဆၧၫ့ဆၧတၭ, စံၭအဝ့ၫနီၪ, ၦအ့ၪအဲၪယၧၩတၭ, မိထီးန့ဖံၭထၬယလူတၭ, ယဖါ မိအဲၪအဝ့ၪဒၪ,ဒဲပမိဂဲၫလၧအအီၪတၭ, ပမိအီၪပဝ့ၫ လၧအၥိၭလီၫ.

ၦလၧအလအဲၪဘၪယၧၩနီၪ ထီးန့ယလူအ့ၬ. ဆၧချဲၩ့လၧနၥံၪနါဂၧၫ့နီၪမွဲယလူအ့ၬ. မွဲဖါလၧအအၪ့မၧၫ့လၩ့ယၧၩလဂၩနီၪအလူလီၫ.- ဆၧနီၪလဖၪယလီၩ ဘၪယူၭနၥံၪလၧယအီၪလၧနၥံၪအၥိၭ အဘိၩ့ဘၭနီၪ လီၫ.

မွဲလါနၫ့ဘိၩ ၦမၩမုၬဆၧ,ၥၭမုဆံၫ့ဎံၪ,လၧဖါ မိအၪ့မၧၫ့လၩ့ဝ့ၫလၧယမံၩ့နီၪ, အဝ့ၫလဂၩမိၥီၪ့ထဲၩ့ နၥံၪလၧဆၧထီးအလူၬ, ဒဲမိဒုၭနၪ့ထၪ့ထဲၩ့နၥံၪလၧ ဆၧလၧယလီၩဘၪနၥံၪထီးအလူၬလီၫ.- ယအီၪက့ၪ လၩ့ထးဆၧမုၬဆၧလၩလၧနၥံၪအဂးတၭ, ယဆၧ မုၬဆၧလၩနီၪယဖ့ၪလၫ့နၥံၪလီၫ. ယဖ့ၪလၫ့နၥံၪဘဲၫ ဂၪ့ခိၪဖိၪဖ့ၪလၫ့ဝ့ၫအၥိၭနီၪမွဲအ့ၬ. ထီးၥုၪ့ခိၥၭဝီၩလဂ့ၩ,ထီးၥၭမဲၪဆၧလဂ့ၩ,- နၥံၪနါဂၧၫ့ယူၭလၧယစံၭ နၥံၪ,ယလ့ၩဆၧတၭယမိဂဲၫထဲၩ့လၧနၥံၪ အအီၪလီၫ. နၥံၪအ့ၪအဲၪယၧၩတၭ, မွဲယစံၭဆၧလၧယလ့ၩထၪ့ လၧဖါအအီၪနီၪ, နၥံၪမိၥၭထိၬနၥံၪဝ့ၫလီၫ. အဂဲးဘဲၫယီၩယဖါဒိၪနဲၪ့ယၧၩဒံၭလီၫ.- ထီးဆၧနီၪလဖၪ မၩအၥၭတၭ, ဘဲၫၥိၭနၥံၪမိနဲၩဆၧနီၪ, ယလီၩဘၪဝဲၩ နၥံၪဘိၩ့နဲၪ့ယီၩ ဘိၩ့အလချႃၭ မၩဒံၭဘၪအၥၭနီၪ လီၫ.