ထီးဒၪၦလၧအၥၭလဂၭဂီၩ့ဘၪ လၧယကၠီၩ့လဂၩဂၩနီၪ, အီၪမုၬဝ့ၫဒၪလီၫ.

စယီဟၫ့အီၪလၧထီၫ့ဖၧၩ့နီၪနါဂၧၫ့ လၧဎရံၬအဆၧမၩလဖၪအဂဲး, အၪ့မၧၫ့အဖျဲနံၫဂၩလ့ၩဝ့ၫတၭ,- စံၭ အဝ့ၫနီၪ,နဝ့ၫဒၪယီၩ, နမွဲၦလၧအဂဲၫဝ့ၫလဂၩနီၪဧၪး အ့ၪလမွဲဘၪနီၪပဘၪယိလါဒံၭ ၦလဂၩဒၪအဖၧၩ့ၥၭဆ့ဧၪ. ယ့ၫရှူၬချဲၩ့ဆၧၫ့ဆၧတၭလီၩဘၪဝ့ၫ, ဆၧလၧနၥံၪနါဂၧၫ့,ဒဲနၥံၪဒၪဘၪလဖၪယီၩ, ထဲၩ့လီၩဘၪစယီဟၫ့ဆံၭ.- ၦလၧအမ့ၬဘျီၪလဖၪနီၪဒၪထၪ့ထဲၩ့ဆၧ, ဒဲၦလၧအခၪ့ဂၭဂီၩ့လဖၪနီၪစဲၪ့ထၪ့ထဲၩ့ဝ့ၫ, ဒဲၦလၧအခံၫထူၬဆၫအၧၩ့ လဖၪနီၪ ဆံၫ့ထၪ့ထဲၩ့ဝ့ၫ,ဒဲၦလၧအနါအၧၩ့လဖၪနီၪ, နါဂၧၫ့ထၪ့ထဲၩ့ဆၧ,ၦလၧအၥံၫလဖၪနီၪ ဆၧဒုၭဂဲထုၪ့ထဲၩ့ဝ့ၫ, ဒဲၦလၧအၡၪ့အယၬလဖၪနီၪ ဘၪဆၧလီၩလၩ့လၬလၩ့ဝ့ၫ လၧဆၧၥၭထိၬအပရၧၫ့လီၫ. ထီးဒၪၦလၧအၥၭလဂၭဂီၩ့ဘၪ လၧယကၠီၩ့လဂၩဂၩနီၪ, အီၪမုၬဝ့ၫဒၪလီၫ. 
ထီးအဝ့ၫၥံၪထဲၩ့ဝ့ၫတၭ, ယ့ၫရှူၬလီၩဘၪၥၫ့ၦခမျၧး လၧစယီဟၫ့အဂဲးအကၠီၪ့တၭ, စံၭဝ့ၫဒၪ,နၥံၪစဲၪ့ထၪ့ လၧမံၩ့လၬကျၩ ဘဲၫၥိၭနၥံၪမိယိဖၧၩ့ ဆၧနီၪလဲၪ. မွဲဖီးလဘီၩ့လၧလံၩအူၪဝၭဝ့ၫနီၪဧၪ.- အ့ၪလမွဲဘၪတၭ,မွဲနၥံၪစဲၪ့ထၪ့ ဘဲၫၥိၭနၥံၪမိယိဖၧၩ့ဆၧနီၪလမံၩ့လဲၪး မွဲၦကီၩ့ဆၧၥိၭဆၧ လၧဆၧကီၩ့ဆၧၥိၭဖူၬလူၭနီၪဆ့ဧၪ. ယိခွါ, ၦလၧအကီၩ့ဆၧၥိၭဆၧအဖူၬလူၭလဖၪနီၪ အီၪဝ့ၫလၧစဎွၩၥံၪအနီးဖၧၩ့လီၫ. အ့ၪလမွဲဘၪတၭ, မွဲနၥံၪစဲၪ့ထၪ့ဘဲၫၥိၭနၥံၪမိယိဖၧၩ့ ဆၧနီၪလဲၪ. မွဲမီၪလဂၩဧၪ. မွဲယူၭ,ယလီၩဘၪနၥံၪ, မွဲအဒိၪနဲၪ့မီၪလဂၩဒံၭလီၫ.- အဂဲးဘဲၫယီၩ အဝ့ၫဒၪနီၪ မွဲၦလၧဆၧကွ့ၭအၥၭလၧအဂဲး. ယိခွါ, ယအၪ့မၧၫ့လၩ့ယၥီၫ့လဂၩလၧနမ့ၬယၫ, လၧအမိမၩထဲၩ့နဖၧၩ့ၥၭလၧနမ့ၬယၫလီၫ. ယလီၩဘၪနၥံၪတီၩတီၩယီၩ ၦလၧၦမုၪအီၪဖျဲၪန့ဝ့ၫအကျၩနီၪ ဒိၪနဲၪ့ၦဘၭတံၫဇၫ့ဆၧစယီဟၫ့ အီၪနးဂၩအ့ၬ, မွဲလါနၫ့ဘိၩ, ၦအီၪဝ့ၫလၧမူၭခိၪ အဘၩ့အ မုးအဖၧၩ့အဆံၭထုၬလဂၩနီၪ ဒိၪနဲၪ့အဝ့ၫနီၪဒံၭလီၫ.