Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
ဆၧၥုၪ့မုၬၥၭၡုၪဒဲဆၧၥုၪ့အုၭၥၭအုၭ.
ဂဲၫထဲၩ့လၩ့ထဲၩ့လၧအဝ့ၫၥံၪအၥိၭ လၧခိၪလီၩ့တၭ, ဆၧၫ့ထုၪ့ဝ့ၫလၧဆၧဒၩဖၧၩ့ အီၪလၧအထံၩအဖျဲလ ဒီၪ့,ဒဲၦလၧခးယုဒၫထၧၫ့ခးယၫ,ဒဲလၧယရုစလံၫ့ဒဲလၧမၫဆမံၭနဲၩ့, ဘူၭလၧတဲအၫဒဲစဲဒၧၫ့ၥံၪလီၫ.-
ယ့ၫၡှူၬယိထၪ့အထံၩအဖျဲၥံၪတၭ,စံၭဝ့ၫ, ၦၡၪ့ဖိၪနၥံၪဝ့ၫယီၩ,နၥံၪအီၪမုၬဝ့ၫဒၪနီၪး အဂဲးဘဲၫယီၩယွၩ အဘၩ့အမုးနီၪ မွဲနၥံၪအဆၧလီၫ.
ၦလၧဆၧၥၭဝံအၥၭနၥံၪဝ့ၫ ဘိၩ့နဲၪ့ယီၩ, နၥံၪအီၪမုၬဝ့ၫဒၪနီၪး အဂဲးဘဲၫယီၩနၥံၪမိဘျဲၩအၪ့ဘျဲၩအီၩဝ့ၫလီၫ. ၦလၧအဂၪ့နၥံၪဝ့ၫဘိၩ့နဲၪ့ယီၩ နၥံၪအီၪမုၬဝ့ၫဒၪနီၪးအဂဲးဘဲၫယီၩ နၥံၪမိနံထၪ့ဝ့ၫလီၫ.
ထီးၦၡၩအ့ၪမ့ၬလဲၩနၥံၪတၭ, အ့ၪနၫ့ထၪ့ခွံၬနၥံၪနီၪ,ဒဲဒုၪဒွ့ၪနၥံၪ, ဒဲခွံၬၡိၭနၥံၪအမံၩ့ ဘဲၫဆၧအၧၩ့အ ၥိၭလၧၦၡၩအဖိၪခွၫယီၩအကၠီၩ့တၭ,နၥံၪအီၪမုၬဝ့ၫဒၪလီၫ.- လၧမုနံၩနီၪၥၭထိၬတၭ,ဖုၫထၪ့နၥံၪဝ့ၫ လၧဆၧၥၭထိၬအကၠီၩ့နီၪဆံၭ. အဂဲးဘဲၫယီၩ, ယိခွါ, နၥံၪအဘိၪ့အီၪဝ့ၫ လၧမူၭခိၪဒိၪမၬလီၫ. အဂဲးဘဲၫယီၩ အဝ့ၫၥံၪအဖါလဖၪနီၪ, မၩမီၪၥံၪဘဲၫနီၪအၥိၭဆ့လီၫ.
လၧနီၪအမ့ၬယၫ, နၥံၪဝ့ၫဒၪလၧအမွဲၦၥထံၫလဖၪယီၩ,နၥံၪဘၪအၡၪ့လီၫ. အဂဲးဘဲၫယီၩနၥံၪအၡုၪ နၥံၪအမုၬနီၪ, နၥံၪန့ဘၪယူၭ.
ၦလၧအဘျဲၩအၪ့ယူၭနၥံၪဝ့ၫဒၪယီၩ, နၥံၪဘၪအၡၪ့လီၫ. အဂဲးဘဲၫယီၩဆၧမိၥၭဝံနၥံၪအၥၭလီၫ. ၦလၧအနံဘိၩ့နဲၪ့ယီၩ, နၥံၪမိဘၪဆၧအၡၪ့လီၫ. အဂဲးဘဲၫယီၩ နၥံၪအၥုၪ့မိခါ နၥံၪအၥၭမိလၩ့တၭ, နၥံၪမိဂၪ့ထၪ့ဝ့ၫလီၫ.
ၦၡၩထီးအလူၬအ့ၪအၪ့အူၭနၥံၪတၭ, နၥံၪဘၪဆၧအၡၪ့လီၫ. အဂဲးဘဲၫယီၩအဝ့ၫၥံၪအဖါလဖၪနီၪ, မၩမီၪလၧအအၪ့လီၫဆၧလဖၪ ဘဲၫနီၪအၥိၭလီၫ.
Add new comment