ဆၧၥီၪ့လိၪထဲၩ့ၦမွံၩၦၡါလဖၪအဆၧလီၩ့ဆိၩလၬဆိၩ.

Monday, February 05, 2024

ၦဖၫရစံၫၥံၪႇ ဒဲၦကွ့ၭလံၬလနၩ့နၩ့ လၧအဂဲၫဝ့ၫလၧယရုစလံၫ့နီၪႇ အီၪကိၩ့အီၪကီၪ့လၧအအီၪတၭႇ- ထီးအဒၪဘၪအထံၩအဖျဲလနၩ့နၩ့ အၪ့ကိၪလၧအစူၪလဆံၫ့ဘၪႇ ဘဲၫၦစံၭဆၧအၥိၭႇ အစူၪလၧအလၥူၫဝၭခွံၬဘၪဝ့ၫနီၪႇ မွဲအအီၪက့ၪဆၧမၪလၧအလီၩ့လီၫ.-

အဂဲးဘဲၫယီၩ ၦဖၫရစံၫၥံၪး ဒဲၦယုဒၫဖိၪထီးအလူၬနီၪႇ မွဲအထီးန့ၦမွံၩၦၡါလီၩဆိၩလၬဆိၩဆၧတၭႇ အ့ၪလၥူၫဝၭခွံၬဘၪအစူၪဂ့ၩဘၪစဲၪနီၪႇ အၪ့ဆၧအ့ၬ.- အဝ့ၫၥံၪ ဂဲၫထဲၩ့လၧဖၠၫဖၧၩ့နီၪႇ အ့ၪလဘၧၩ့လၩ့ဘၪအၥၭတၭႇ အၪ့ဘၪဆၧအ့ၬ. လၧနီၪအမ့ၬယၫႇ အဆၧဂူၫဂၩလၧအထီးန့ဝ့ၫ အီၪအၪမံၩ့ဘဲၫယီၩႇ မွဲအဘၧၩ့လၩ့လိၫ့ၥံၪႇ ဒဲဖၧၩ့ၥံၪႇ ဒဲလိၫ့ထီးဘၩ့ဒဲခၬၥံၪလီၫ.-

ထီးနီၪလဖၧၫ့ၦဖၫရစံၫႇ ဒဲၦကွ့ၭလံၬၥံၪအၪ့စၪ့အဝ့ၫႇ နထံၩနဖျဲလဖၪနီၪႇ မွဲဘၪနီၫလၧအလလ့ၩဘၪဝ့ၫ ဘဲၫၦမွံၩ ၦၡါလီၩဆိၩလၬဆိၩဆၧအၥိၭတၭႇ အစူၪလၥူၫဝၭခွံၬဘၪဝ့ၫတၭ, အၪ့ဆၧမၬကၨ.-

အဝ့ၫဒၪစံၭအဝ့ၫၥံၪႇ မီၪစအဲၫစ့ယၫစံၭဝ့ၫ လၧမီၪအချိၬ လၧၦအၪ့လီၫဆၧ လၧနၥံၪဝ့ၫလဖၪအဂဲးနီၪဂ့ၩမၬလီၫ. ဆၧကွ့ၭအၥၭဘဲၫယီၩႇ

ၦလဆၨၩယီၩ ယူၭယၪ့ယၧၩလၧအနိၭဖျံၩႇ အ့ၪမွဲအၥၭနီၪ ယဲၩ့မၬဝ့ၫလၧယၧၩလီၫ. အဝ့ၫၥံၪၥီၪ့လိၪဆၧ လၧၦၡၩအဆၧမၪလူၬႇ လၧဆၧၥီၪ့ဆၧၥၫ့အလးတၭႇ ဘိၪ့ထၪ့ဘၩထၪ့ပျီၩပျီၩယၧၩလီၫ.

အဂဲးဘဲၫယီၩ နၥံၪခွံၬၡိၭခွံၬယွၩအဆၧမၪလူၬနီၪႇ နၥံၪထီးန့ၦၡၩ လီၩဆိၩလၬဆိၩဆၧတၭႇ နၥံၪဘၧၩ့လၩ့ဖၧၩ့ၥံၪႇ လိၫ့ၥံၪႇ ဒဲဆၧဂူၫဆၧဂၩဘဲၫနီၪအၥိၭ နၥံၪမၩအၪမံၩ့လီၫ.- အဝ့ၫဒၪစံၭၦလဖၪနီၪႇ မွဲတၡါ နၥံၪခွံၬၡိၭခွံၬ ယွၩအဆၧမၪလူၬ ဘဲၫၥိၭနၥံၪမိထီးန့ နၥံၪလီၩဆိၩလၬဆိၩဆၧလီၫ.-

အဂဲးဘဲၫယီၩ စမိစ့ၭ စံၭဝ့ၫဒၪႇ ယူၭ ယၪ့ န မိ န ဖါ ဆံၭ. အ မိ မွဲ ဂ့ၩႇ အ ဖါ မွဲ ဂ့ၩႇ ၦ လၧ အ စံၭ အၧၩ့ ဝ့ၫ နီၪႇ မွဲ အ ၥံၫ ဒၪ ဝ့ၫ ဆံၭ.- အ့ၪမွဲနၥံၪဝ့ၫဒၪယီၩ နၥံၪစံၭႇ ၦအ့ၪစံၭအမိမွဲဂ့ၩႇ အဖါမွဲဂ့ၩႇ ထီးဒၪဆၧလၧနဂ့ၩန့ဘၪ လၧယၧၩနီၪႇ မွဲအကဲၪကီၫဘၪ့ (ဘဲၫၦစံၭဆၧအၥိၭ ဆၧဘိၪ့ဆၧထးဆံၭ.)- နၥံၪဒုၭမၩဆၧၩ့လၧၩ့အမိမွဲဂ့ၩႇ အဖါမွဲဂ့ၩႇ နးမံၩ့အ့ၬ.- အနီၪတၭႇ နၥံၪမၩဂၭဂီၩ့ ယွၩအလူအထၫ လၧနၥံၪအဆၧလီၩဆိၩလၬဆိၩ

လၧနၥံၪလီၩထဲၩ့တၭႇ ဆၧဂူၫဆၧဂၩဘဲၫနီၪအၥိၭ နၥံၪမၩအၪမံၩ့လီၫ.