ဆၧအၪ့စၪ့ဘၪဆဲၫ့မးၥံၫနံၩအဂဲး.

Tuesday, January 19, 2021

ဆၧမၩအၥၭ လၧယ့ၫၡုၬလ့ၩဆၧ လၧဆံၬဖၧၩ့လၧမးၥံၫအနံၩတၭႇ အထံၩအဖျဲလဖၪ လ့ၩလၧယၫအဘိၩ့ဘၭနီၪႇ ဒ့ၭန့ဘုၪအဆဲၩၥံၪလီၫ.- ၦဖၫရစံၫၥံၪစံၭအဝ့ၫနီၪႇ ယိခွါႇ ဆၧလဂ့ၩမၩဘၪလၧမးၥံၫအနံၩယီၩ မွဲဘၪနီၫနထံၩနဖျဲၥံၪမၩလဲၪ.-

အဝ့ၫဒၪစံၭအဝ့ၫၥံၪႇ စဒၫဝံၭ ဒဲၦအီၪဝ့ၫလၧအၥိၭလဖၪ ဆၧၥၭဝံအ ၥၭတၭႇ ထီးအလးနီၪႇ မၩဆၧဘဲၫအံၩဘဲၫအိၩတၭႇ မွဲနၥံၪလဖီဘၪဧၪ.- အဝ့ၫဒၪလ့ၩနုၬ လၧယွၩအဂံၪ့ဖၧၩ့ႇ လၧၦလုဆၧအခိၪ စအဘဲအၥၫ အမုနံၩလဖၪတၭႇ အၪ့ဆၧမ့ၬယၫအကိၪ လၧၦလဂ့ၩအၪ့ဘၪး ဂ့ၩအၪ့န့ၫၦလုဆၧလဖၪႇ ဖ့ၪလၫ့အၥိၭဆ့ႇ ဘဲၫၥ့ၪလဲၪ ဘဲၫၥ့ၪလဲၪနီၪႇ မွဲနၥံၪဖီဘၪအ့ၬဧၪ.- အဝ့ၫဒၪစံၭအဝ့ၫၥံၪႇ ဆၧလၧမးၥံၫအနံၩနီၪ အီၪဝ့ၫလၧၦၡၩအဂးတၭႇ ၦၡၩအီၪဝ့ၫလၧမးၥံၫအနံၩအဂးအ့ၬ.- အနီၪတၭ ဆၧလၧၦၡၩအဖိၪခွၫယီၩ မွဲမးၥံၫနံၩအကဆါဆ့လီၫ.