ဆၧအုၩ့လၩ့ဘၪဆဲၫ့ၥၭမုဆံၫ့ဎံၪ

နၥံၪအ့ၪအဲၪယၧၩတၭ, ထီးန့ဖံၭထၬယဆၧမၪလူၬလဖၪနီၪဆံၭ. ယမိအၪ့ကံၩ့ဆၧလၧဖါတၭ, အဝ့ၫမိဖ့ၪလၫ့နၥံၪ လၧၦမၩမုၬဆၧအဂူၫဂၩလဂၩ ဘဲၫအမိအီၪဘၪလၧ နၥံၪအၥိၭလၩ့ဆိၩလၩ့ကၠၪလီၫ.- အဝ့ၫနီၪမွဲၥၭမုလၧ အဘၪဆဲၫ့လၧဆၧမွဲဆၧတီၩလၧဂၪ့ခိၪဖိၪထိးဆၧၫ့ ဝ့ၫဒၪၥ့ၪအ့ၬ. အဂဲးဘဲၫယီၩလဒၪဘၪဝ့ၫနီၪ ၥ့ၪယၫဝ့ၫအ့ၬ. အ့ၪမွဲနၥံၪဝ့ၫယီၩ နၥံၪၥ့ၪယၫအဝ့ၫလီၫ. အဂဲးဘဲၫယီၩအီၪဂုးခၧၫ့လၧနၥံၪအၥိၭတၭ, မိအီၪလၧနၥံၪအဖၧၩ့လီၫ.- ယလအီၪက့ၪဖိၪဎွ့ၪဘၪနၥံၪတၭး ယမိဂဲၫထဲၩ့လၧနၥံၪအအီၪလီၫ. 
မီခိၬဖီၩ့ခွံၬနီၪ, ဂၪ့ခိၪဖိၪလဒၪလၧၩ့ဘၪယၧၩတၭ, အ့ၪမွဲနၥံၪဝ့ၫဒၪယီၩနၥံၪမိဒၪဘၪယၧၩလီၫ. မွဲယမၧၫ့အကၠီၩ့တၭ, နၥံၪမိမၧၫ့ဆ့လီၫ.- လၧမုလနံၩနီၪ နၥံၪမိၥ့ၪယၫ လၧယအီၪလၧဖါအဖၧၩ့, ဒဲနၥံၪအီၪလၧယဖၧၩ့ ဒဲယအီၪလၧနၥံၪအဖၧၩ့လီၫ.- ၦလၧအအီၪလၧယဆၧမၪလူၬလဖၪ,ဒဲထီးန့ဖံၭထၬဝ့ၫနီၪ, မွဲၦလၧအအဲၪယၧၩ, ဒဲၦလၧအအဲၪယၧၩနီၪ, ယဖါမိအဲၪအဝ့ၫတၭ, ယဝ့ၫဒၪယီၩယမိအဲၪဝ့ၫဆ့, ဒဲယမိဒုၭနဲၪယၥၭ လၧအဝ့ၫနီၪဆ့လီၫ.