ဆၧလဖၪလၧအမၩစံၪစၪၦၡၩ.

အဝ့ၫဒၪကိၭန့ ၦခမျၧးထီးအလူၬ လၧအအီၪတၭႇ စံၭအဝ့ၫၥံၪႇ ခိၭနၪယလူတၭႇ နၪၥ့ၪနၥံၪဝ့ၫကိၭဂၩဒ့ၭဆံၭ.- ဆၧအီၪလၧခီၫ့တၭႇ လ့ၩနုၬဝ့ၫလၧၦၡၩအဖၧၩ့နီၪႇ မၩစံၪစၪဝ့ၫၥ့ၪနးမံၩ့အ့ၬ. အ့ၪမွဲဆၧလၧအဂဲၫထၪ့လၧအဖၧၩ့နီၪႇ မၩစံၪစၪၦၡၩလီၫ.- ၦအ့ၪအီၪလၧအနါ လၧအနါဂၧၫ့ဆၧလဂၩဂၩနီၪ မွဲအနါဂၧၫ့ဒၪဝ့ၫဆံၭ.

ထီးအစဲၪ့ထၪ့ခွံၬဝ့ၫ လၧၦခမျၧးအအီၪ လ့ၩနုၬဝ့ၫလၧဂံၪ့ဖၧၩ့နီၪႇ အထံၩအဖျဲၥံၪအၪ့စၪ့အဝ့ၫ လၧဆၧချဲၩ့ဒီၩ့လၩ့အဂဲးလီၫ.- အဝ့ၫဒၪစံၭၦလဖၪနီၪႇ ဆၧန့ၫနီၪမွဲနၥံၪနၪလၥ့ၪဒံၭဘၪဧၪ. လၧကယဲဆၧအီၪလၧခီၫ့တၭႇ လ့ၩနုၬဝ့ၫလၧၦၡၩအဖၧၩ့ႇ မၩစံၪစၪဝ့ၫလၥ့ၪဘၪနီၪႇ မွဲနၥံၪလၥ့ၪယၫဘၪဧၪ.- အဂဲးဘဲၫယီၩႇ မွဲအလ့ၩနုၬဝ့ၫလၧအၥၭခံဖၧၩ့အ့ၬ. မွဲလၧအဂူၭဖိၫ့ဖၧၩ့တၭႇ လၩ့ခွံၬဝ့ၫလၧဆၧလ့ၩဂၭလိၫအလးနီၪႇ မၩဆံၫ့ထၪ့ကယဲဆၧအၪ့ဆၧအီၩထီးအလူၬလီၫ.-

အဝ့ၫဒၪစံၭဝ့ၫႇ ဆၧလၧအဂဲၫထၪ့လၧၦၡၩအဖၧၩ့နီၪႇ  မွဲအမၩစံၪစၪၦၡၩလီၫ.- အဂဲးဘဲၫယီၩ ဆၧကိၪ့ဆၧဖၭ လၧအအၧၩ့ႇ ဆၧအဲၪဘိၩ့အဲၪဖၬႇ ဆၧမၩမၪမုၪမၩမၪခွၫႇ ဆၧမၩၥံၫၦၡၩႇ- ဒဲဆၧအၪ့ဂူၪဆၧႇ ဆၧလီၫ့ကီၩ့ၥၭကွံၩဆၧႇ ဆၧအၧၩ့ဆၧၥၫ့ ဆၧအၪ့လံၬအၪ့လီၫႇ ဆၧလၨၪဖၬႇ ဆၧအမ့ၬအၧၩ့ႇ ဆၧဒုၪဒွ့ၪႇ ဆၧအီၪက့ၪထၪ့ထီၫအၥၭႇ ဆၧကိၪ့လၥ့ၪဘၪလဖၪနီၪႇ ဂဲၫထၪ့ဝ့ၫလၧ ၦၡၩအၥၭခံဖၧၩ့လီၫ.- ကယဲဆၧအအၧၩ့လဖၪထီးအလူၬယီၩ, ဂဲၫထၪ့လၧအၥၭခံဖၧၩ့တၭ, မၩစံၪစၪ ၦၡၩလီၫ.