ဆၧမၪလူၬအၥၫ့.

Sunday, May 15, 2022

ထီးအဝ့ၫစဲၪ့ထၪ့ခွံၬနီၪ, ယ့ၫၡုၬစံၭဝ့ၫ, ၦၡၩအဖိၪခွၫ အလၩအဖၩ့အီၪဖျီၪထၪ့ဝ့ၫဘိၩ့နဲၪ့ယီၩတၭ,ယွၩအလၩအဖၩ့ အီၪဖျီၪလၧအဖၧၩ့ဆ့လီၫ.- ယွၩအလၩအဖၩ့အ့ၪအီၪဖျီၪလၧအဖၧၩ့တၭ, ယွၩမိဒုၭအီၪဖျီၪအ ဝ့ၫနီၪအလၩအဖၩ့လၧအနၫ့ဆါဒၪဝ့ၫအဖၧၩ့ဆ့လီၫ. တၭမိဒုၭအီၪဖျီၪထၪ့အလၩအဖၩ့ချဲၫ့ချဲၫ့လ့ၬလီၫ.

ဖိၪၥံၪလံၩၥံၪဧ့, ယအီၪဒံၭလၧနၥံၪအၥိၭ မီခိၬဒံၭတၭ,နၥံၪမိအၪ့ဎၬယၧၩတၭ, ဘဲၫယလီၩဘၪၦယုဒၫ ဖိၪၥံၪအၥိၭနီၪ, ဘိၩ့နဲၪ့ယီၩ ယလီၩဘၪထဲၩ့နၥံၪဆ့တၭ,လၧယလ့ၩဆၧအလးနီၪနၥံၪလ့ၩၥ့ၪအ့ၬ. ယဖ့ၪ လၫ့နၥံၪလၧဆၧမၪလူၬအၥၫ့လထံၪယီၩ, မွဲဘဲၫၥိၭ နၥံၪမိအဲၪလိၬကွံၩလိၬနၥံၪအၥၭတၭး ဘဲၫယအဲၪနၥံၪ အၥိၭနီၪ, အဲၪလိၬကွံၩလိၬနၥံၪအၥၭ ဘဲၫနီၪအၥိၭဆ့ဆံၭ.- နၥံၪအ့ၪအဲၪလိၬကွံၩလိၬနၥံၪအၥၭနီၪ, လၧဆၧ ယီၩအကၠီၩ့တၭ, ကယဲၦထီးအလူၬ မိၥ့ၪယၫဝ့ၫလၧ နၥံၪမွဲယထံၩယဖျဲၥံၪလီၫ.