ဆၧမၩမၪဘၪဆၧ

တၭအဝ့ၫဒၪစံၭအထံၩအဖျဲၥံၪ, ဆၧလၩ့ထံၩဖါအလးလဖၪနီၪမိဘၪအီၪဝ့ၫလီၫ. မွဲလါနၫ့ဘိၩ,ၦလၧအ မၩအီၪထၪ့ဝ့ၫလဂၩနီၪဘၪအၡၪ့လီၫ.- ၦအ့ၪမၩလၩ့ထံၩဖါၦလဂၩ အီၪလၧၦဆံၭလဖၪယီၩအကျၩတၭ, အခိၬအ့ၪဘၪဆၧစၧၩ့ထၬ လၧဆုၪ့ဂူၬလိးတၭ, ဘၪဆၧခွံၬလၩ့ခွံၬဝ့ၫ လၧမၫဆမံၭအဖၧၩ့နီၪ, မွဲအဂ့ၩဒၪ အဆၧလၧအဂးဒံၭလီၫ.

နၥံၪဝ့ၫဒၪယီၩ ထီးလၩ့နၥံၪအၥၭဘီၪး နထၧၫ့ဖုဝဲ အ့ၪမၩမၪဘၪနၧၩတၭ, ၥီၪ့ထဲၩ့ၥၫ့ထဲၩ့အဝ့ၫဆံၭ. အ့ၪနီၫ့ယါလၩ့ထဲၩ့အၥၭတၭ, ကွဲၪဖျါခွံၬအဝ့ၫဒၪဆံၭ. လၧလနံၩအထးဖၧၩ့နီၪ, အ့ၪမၩမၪဘၪနၧၩ ထီး အဎွ့ၩထၪ့နွ့ၫဘျၩ့တၭ, အ့ၪဂဲၫထဲၩ့ထဲၩ့လၧနအီၪ ထီးအဎွ့ၩထၪ့နွ့ၫဘျၩ့တၭ, စံၭဝ့ၫ, ယနီၫ့ယါလၩ့ထဲၩ့ယၥၭယူၭး နမိဘၪကွဲၪဖျါခွံၬအဝ့ၫဒၪလီၫ.

တၭဆၧအၪ့မၧၫ့ဖိၪလဖၪနီၪ, စံၭကဆါး မၩအၪထၪ့ ပဆၧနဲၩဆံၭ. ကဆါစံၭဝ့ၫ, နၥံၪအဆၧနဲၩ အ့ၪအီၪ န့ၫဘၪချံၫနးဖျိၪ့တၭ, နၥံၪမိစံၭကူၪလထံၭယီၩ, စဲၪ့ထၪ့ခွံၬတၭ, အီၪၥုၪ့လၩ့နၥၭ လၧမၫဆမံၭဖၧၩ့ဆံၭ, တၭဆၧမိခိၭနၪနၥံၪအလူလီၫ.