ဆၧဘၪဆိၪဂ့ၩအမွဲအတီၩ.

ဒၪဘၪဝ့ၫလၧၦခမျၧးနီၪ, အဝ့ၫဒၪလ့ၩထၪ့ဝ့ၫလၧ ခိၪလီၩ့လဖျိၪ့အလီၩ့ ဆၧၫ့နၩ့ဝ့ၫဂီၩ့တၭ, အထံၩအဖျဲ ၥံၪဂဲၫလၧအအီၪလီၫ.

အဝ့ၫဒၪအၩ့ထၪ့အနိၭတၭ, ၥီၪ့ထဲၩ့ၥၫ့ထဲၩ့အဝ့ၫၥံၪ, စံၭဝ့ၫဒၪ,

ၦၥၭၡၪ့လဖၪနီၪ အီၪမုၬဝ့ၫဒၪး အဂဲးဘဲၫယီၩ မူၭခိၪအဘၩ့အမုး မွဲအဝ့ၫၥံၪအဆၧလီၫ.

ၦၥုၪ့ခါၥၭလၩ့လဖၪနီၪ အီၪမုၬဝ့ၫဒၪး အဂဲးဘဲၫယီၩ အဝ့ၫၥံၪမိဘၪ ဆၧမၩမုၬမၩၡုၪဝ့ၫလီၫ.

ၦၥၭဆၧၩ့လဖၪနီၪ အီၪမုၬဝ့ၫဒၪး အဂဲးဘဲၫယီၩ အဝ့ၫၥံၪမိန့ၥၫထံၫၥံၪခးၥံၪလီၫ.

ၦၥၭဝံအၥၭဒဲၥူၫအီၩအၥၭ လၧဆၧတီၩဆၧလီၩ့လဖၪနီၪ အီၪမုၬဝ့ၫဒၪး အဂဲးဘဲၫယီၩအဝ့ၫၥံၪ မိဘျဲၩအၪ့ဘျဲၩအီၩဝ့ၫလီၫ.

ၦယၫ့ၥုၪ့ယၫ့ၥၭဆၧလဖၪနီၪ အီၪမုၬဝ့ၫဒၪး အဂဲးဘဲၫယီၩ အဝ့ၫၥံၪမိဘၪ ဆၧယၫ့ၥုၪ့ယၫ့ၥၭဝ့ၫလီၫ.

ၦၥၭဆံၫ့ဎံၪလဖၪနီၪ အီၪမုၬဝ့ၫဒၪး အဂဲးဘဲၫယီၩ အဝ့ၫၥံၪမိဒၪဘၪယွၩလီၫ.

ၦမၩဘၪလိၬထဲၩ့ဆၧလဖၪနီၪ အီၪမုၬဝ့ၫဒၪး အဂဲးဘဲၫယီၩ အဝ့ၫၥံၪမိဘၪဆၧကိၭဝ့ၫလၧယွၩအဖိၪခွၫ ၥံၪလီၫ.

ၦဘၪဆၧမၩအၧၩ့မၩနၭဝ့ၫ လၧဆၧတီၩဆၧလီၩ့ အကၠီၩ့လဖၪနီၪ အီၪမုၬဝ့ၫဒၪး အဂဲးဘဲၫယီၩ မူၭခိၪအ ဘၩ့အမုးမွဲအဝ့ၫၥံၪအဆၧလီၫ.

ထီးၦဒုၪဒွ့ၪနၥံၪဒဲ မၩအၧၩ့မၩနၭနၥံၪတၭ, စံၭအၧၩ့စံၭၥၫ့နၥံၪ လၧဆၧကိၭမံၩ့ဒ့ၭ လတီၩဘၪလၧယကၠီၩ့တၭ, နၥံၪမိအီၪမုၬဝ့ၫဒၪလီၫ.- ၥုၪ့ထိၬၥၭထိၬ ဒဲၥုၪ့ဎွံၫၥၭယီၫဖၭဒိၪဆံၭ. အဂဲးဘဲၫယီၩ နၥံၪအခိးအတၩ အီၪဝ့ၫလၧမူၭခိၪဒိၪမၬလီၫ.