ဆၧဖျိၬယ့ၫၡုၬအမံၩ့.

အဝ့ၫၥံၪလ့ၩဝ့ၫချဲၫ့ချံၭတၭႇ ဒၪဘၪနးမၫရံၫႇ ဒဲစယိၥၭႇ ဒဲဖိၪၥၪအီၪလၧချီအၪ့အဆၪအလးလီၫ.- ထီးအဒၪဘၪဝ့ၫနီၪႇ ဆၧလၧအလီၩဘၪဝ့ၫလၧ ဖိၪၥၪလဂၩအဂဲးအကၠီၪ့လဖၪနီၪႇ အဝ့ၫၥံၪမၩဂၧၫ့ထၪ့ၥၩလၩ့ဝ့ၫလီၫ.- ကယဲၦလၧအနါဂၧၫ့ဝ့ၫလဖၪ ထီၫမံၫထီၫမၪ လၧၦယူၬၥိၪၥံၪလီၩဘၪဆၧအကၠီၩ့လီၫ.

ဆၧနီၪလဖၪနးမၫရံၫထီးန့ဝ့ၫထီးအလူၬတၭႇ ဆီၫ့မီၪ့ဝ့ၫလၧအၥၭလီၫ.- ၦယူၬၥိၪလဖၪနီၪႇ စံၭထၪ့အၪ့ အူၭဒဲၥံၫကျံၩထၪ့ယွၩ လၧအနါဂၧၫ့ဆၧ ဒဲလၧအဒၪ ဘၪဆၧထီးအလူၬအကၠီၩ့ ဘဲၫဆၧစံၭဝဲၩဝ့ၫအၥိၭနီၪတၭႇ ထဲၩ့ထဲၩ့ဝ့ၫလီၫ.

ထီးဎိၭနံၩလနံၩဎွ့ၩထၪ့ ဖိၪၥၪဘၪဆၧကူၭတရံၭနီၪတၭႇ ဆၧကိၭဝ့ၫအမံၩ့လၧယ့ၫၡုၬ ဘဲၫအၥီၫ့ဖျိၬဝဲၩဝ့ၫအၥိၭ လၧအလချႃၭအီၪထၪ့ဒံၭဘၪ လၧဆၧဒၧၩ့လးအဖၧၩ့နီၪလီၫ.