ဆၧဆၪ့လၩ့ၥၭဒဲဆၧထိးဆၧၫ့ၦမွံၩ

ဆၧမၩအၥၭလၧမးၥံၫအနံၩ, ထီးအလ့ၩအၪ့ဆၧ လၧၦဖၫရစံၫ အခိၪလဂၩ အဂံၪ့ဖၧၩ့တၭ, ၦလဖၪနီၪ ယိၥူၪအဝ့ၫလီၫႉ

ထီးအဒၪဘၪၦလၧဆၧကိၭဝ့ၫလဖၪ ရွံန့လးဆၧၫ့နၩ့လၧအဂ့ၩထုၬ ဘဲၫအံၩဘဲၫအိၩတၭ, ချဲၩ့ဒီၩ့လၩ့ဆၧ တၭ,စံၭအဝ့ၫၥံၪ,- ထီးၦကိၭနၧၩလၧအမူၭဖၧၩ့တၭ, ဆၧၫ့နၩ့ဒံၩ့ခံၫ့လၧလးဆၧၫ့နၩ့အဂ့ၩထုၬအဖၫ့ခိၪလဂ့ၩ, ဘၪလဘၪၦလၧအဂ့ၩနဲၪ့နၧၩ မိဘၪဆၧကိၭလၧ အဝ့ၫနီၪတၭ,- ၦလၧအကိၭနၧၩ ဒဲအဝ့ၫဒၪလဂၩနီၪမိ ဂဲၫလၧနအီၪတၭ, မိလီၩဘၪနၧၩ, ဖ့ၪလၫ့ၦလဂၩယီၩအလးဘီၪ. ထီးနီၪလဖၧၫ့နမ့ၬမိမဲတၭ, နမိဘၪလ့ၩလၩ့လၧ အလးဖၨၪထုၬလီၫ.-

အ့ၪမွဲထီးၦအ့ၪကိၭနၧၩနီၪ, လ့ၩဆၧၫ့နၩ့ဒံၩ့ခံၫ့ လၧအလးဖၨၪထုၬဘီၪ. ဘဲၫၥိၭၦလၧအကိၭနၧၩထီးအဂဲၫထီၩ့တၭ, မိစံၭနၧၩ, တခွၫဧ့,လ့ၩထၪ့လၧအလး ထီၫနဲၪ့အနီၪဘီၪ. ထီးနီၪလဖၧၫ့ နလၩနဖၩ့ မိအီၪထၪ့လၧၦဆၧၫ့နၩ့ဎုၬလၧနၧၩအမ့ၬယၫလီၫ.- အဂဲးဘဲၫယီၩၦလၧ အအီၪက့ၪထၪ့ထီၫဒၪအၥၭလဂၩလါလါနီၪ, မိဘၪဆၧဆၪ့လၩ့ဝ့ၫတၭ, ၦလၧအဆၪ့လၩ့ဒၪအၥၭနီၪ မိဘၪဆၧအီၪက့ၪထၪ့ထီၫဝ့ၫလီၫ.

တၭအဝ့ၫဒၪစံၭ ၦလၧအကိၭဆၧလဂၩနီၪ, ထီးနအ့ၪမၩဆၧအၪ့လၧဂီၩမွဲဂ့ၩ,လၧဂၪမွဲဂ့ၩး နထံၩနၥိၭမွဲဂ့ၩ,နဖုနဝဲမွဲဂ့ၩ,နဘူၭနထံၭမွဲဂ့ၩ, ၦၥထံၫလၧနနဲၩ့ထံၭမွဲဂ့ၩ,နထီးကိၭအဝ့ၫၥံၪလဂ့ၩး အဝ့ၫၥံၪမိကိၭ ဆၧၫ့ဘၪခိၬနၧၩတၭ, မိဖ့ၪလၫ့ထဲၩ့နၧၩလီၫ.- အ့ၪမွဲနဝ့ၫဒၪယီၩ, ထီးနအ့ၪမၩဆၧအၪ့ဆၧအီၩနီၪ, ကိၭၦအ ၡၪ့,ၦအဂၩ့ဂၭဂီၩ့, ၦအခၪ့ဂၭဂီၩ့, ၦအမ့ၬဘျီၪၥံၪနီၪဘီၪ.- နမိဘၪဆၧဆိၪဂ့ၩလီၫ. အဂဲးဘဲၫယီၩအဝ့ၫၥံၪ ဖ့ၪလၫ့ထဲၩ့နၧၩၥ့ၪအ့ၬ. အဂဲးဘဲၫယီၩ ထီးၦအတီၩ အလီၩ့ဂဲထုၪ့ထဲၩ့တၭ, ဆၧမိဖ့ၪလၫ့ထဲၩ့နၧၩလီၫ.