ဆၧဆၪ့လၩ့ၥၭဒဲဆၧထိးဆၧၫ့ၦမွံၩ.

ဆၧမၩအၥၭလၧမးၥံၫအနံၩ, ထီးအလ့ၩအၪ့ဆၧ လၧၦဖၫရစံၫအခိၪလဂၩအဂံၪ့ဖၧၩ့တၭ, ၦလဖၪနီၪ ယိၥူၪအဝ့ၫလီၫ.-

ထီးအဒၪဘၪၦလၧဆၧကိၭဝ့ၫလဖၪ ရွံန့လးဆၧၫ့နၩ့လၧအဂ့ၩထုၬ ဘဲၫအံၩဘဲၫအိၩတၭ, ချဲၩ့ဒီၩ့လၩ့ဆၧတၭ,စံၭအဝ့ၫၥံၪ,- ထီးၦကိၭနၧၩ လၧအမူၭဖၧၩ့တၭ, ဆၧၫ့နၩ့ဒံၩ့ခံၫ့လၧ လးဆၧၫ့နၩ့အဂ့ၩထုၬ အဖၫ့ခိၪလဂ့ၩ, ဘၪလဘၪၦလၧအဂ့ၩနဲၪ့နၧၩ မိဘၪဆၧကိၭလၧအဝ့ၫနီၪတၭ,- ၦလၧအကိၭနၧၩ ဒဲအဝ့ၫဒၪလဂၩနီၪ မိဂဲၫလၧနအီၪတၭ, မိလီၩဘၪနၧၩ, ဖ့ၪလၫ့ၦလဂၩယီၩ အလးဘီၪ. ထီးနီၪလဖၧၫ့ နမ့ၬမိမဲတၭ, နမိဘၪလ့ၩလၩ့လၧ အလးဖၨၪထုၬလီၫ.-

 အ့ၪမွဲထီးၦအ့ၪကိၭနၧၩနီၪ, လ့ၩဆၧၫ့နၩ့ဒံၩ့ခံၫ့ လၧအလးဖၨၪထုၬဘီၪ. ဘဲၫ ၥိၭၦလၧအကိၭနၧၩထီးအဂဲၫထီၩ့တၭ, မိစံၭနၧၩ, တခွၫဧ့, လ့ၩထၪ့လၧအလးထီၫနဲၪ့အနီၪဘီၪ. ထီးနီၪလဖၧၫ့ နလၩနဖၩ့မိအီၪထၪ့ လၧၦဆၧၫ့နၩ့ဎုၬလၧနၧၩအမ့ၬယၫလီၫ.- အဂဲးဘဲၫယီၩၦလၧအအီၪက့ၪထၪ့ထီၫဒၪအၥၭလဂၩလါလါနီၪ, မိဘၪဆၧဆၪ့လၩ့ဝ့ၫတၭ, ၦလၧအဆၪ့လၩ့ဒၪအၥၭနီၪ မိဘၪဆၧအီၪက့ၪထၪ့ထီၫဝ့ၫလီၫ.