ဆၧစ့ၩရၫ့ၦဂူၫဂၩလဖၪ

အဝ့ၫဒၪချဲၩ့ဒီၩ့လၩ့ဆၧတၭ စံၭအဝ့ၫၥံၪ, ၦမ့ၬဘျီၪမီၩ့ၦမ့ၬဘျီၪနီၪမိၥ့ၪဧၪ, မွဲအမိလၩ့ထ့ၬလၧဆၧဖၧၩ့ နံၫဂၩလူၬအ့ၬဧၪ. အဖျဲနီၪအီၪလၧအဆရၫအဖၫ့ခိၪအ့ၬး အ့ၪမွဲ ကယဲၦလၧအလၧၫ့ထၪ့ဎွ့ၩထၪ့လဂၩလါလါနီၪ, မိမီၪ့ဎီၩ့လၧအဆရၫလီၫ.

ၥံၪ့ဖုၫအီၪဝ့ၫလၧနမ့ၬၥၪဒၪနဝ့ၫအဖၧၩ့နီၪ, နလဆီၫ့မီၪ့ဘၪလၧနၥၭဖၧၩ့တၭ, မွဲဘၪနီၫလၧနယိထံၫယိဆၭ နိၪကဲၩ့ဖိၪလၧနထၧၫ့ဖုဝဲအမ့ၬၥၪဖၧၩ့နီၪလဲၪ.- ထီးနနၫ့ဆါလဒၪဘၪၥံၪ့ဖုၫလၧနမ့ၬၥၪဒၪနဝ့ၫအဖၧၩ့တၭ, မွဲန စံၭနထၧၫ့ဖုဝဲ,ထၧၫ့ဖုဝဲဧ့, ဖ့ၪလၫ့ယခွ့ၭထၪ့ခွံၬနိၪကဲၩ့ဖိၪအီၪလၧနမ့ၬၥၪဖၧၩ့နီၪ, မိၥ့ၪဘဲၫၥ့ၪလဲၪ, ၦလၧအ အၪ့လီၫဆၧဧ့, ခွ့ၭထၪ့ခွံၬဆိၫဒၪခလူၬ ၥံၪ့ဖုၫအီၪလၧနမ့ၬၥၪဒၪနဝ့ၫအဖၧၩ့နီၪဆံၭ. အနီၪတၭနမိဒၪဆၧ ထံၫထံၫဆၭဆၭ ဘဲၫၥိၭနမိခွ့ၭထၪ့ခွံၬနိၪကဲၩ့ဖိၪ အီၪလၧနထၧၫ့ဖုဝဲအမ့ၬၥၪဖၧၩ့နီၪလီၫ.

အဂဲးဘဲၫယီၩ ၥံၪ့ထံၭလၧအဂ့ၩနီၪ,ၥၪထၪ့ဆၧအအၧၩ့အ့ၬ. ၥံၪ့ထံၭလၧအအၧၩ့နီၪ, ၥၪထၪ့ဆၧအဂ့ၩဆ့အ့ၬ.- အဂဲးဘဲၫယီၩၥံၪ့လထံၭလါလါနီၪ, ၦၥ့ၪယၫလၧအဆၧၥၪဒၪဝ့ၫအကၠီၩ့လီၫ. အဂဲးဘဲၫယီၩ လၧဆၧဆူၪအလီၩ့နီၪ, ၦအၪ့ဒ့ၭချိၪ့ဒိၩ့ၥၪဆ့အ့ၬ. လၧဆၧဆူၪၡိၬအလီၩ့နီၪ, ၦအၪ့ဒ့ၭစဘံၭၥၪဆ့အ့ၬ.

ၦလၧအဂ့ၩနီၪဖီၪ့ထၪ့ဖံၭထၪ့ဆၧအဂ့ၩ လၧအအီၪက့ၪကီၪ့ဝ့ၫလၧအလးဂ့ၩ အီၪလၧအၥၭခံဖၧၩ့တၭ, ၦလၧအအၧၩ့နီၪဖီၪ့ထၪ့ဖံၭထၪ့ ဆၧအၧၩ့လၧအအီၪက့ၪကီၪ့ဝ့ၫ အလးအၧၩ့အီၪလၧအၥၭခံဖၧၩ့လီၫ. အဂဲးဘဲၫယီၩ ဘဲၫအဎွ့ၩလၨၪ လၧအၥၭအၥိၭနီၪ အနိၭထၪ့ဖျ့ၭဝ့ၫ လီၫ.