ဆၧချဲၩ့ဒီၩ့လၩ့ဘၪဆဲၫ့ဆၧချံၫမဲၪထၪ့ဒဲဒိၪထၪ့.

အဝ့ၫဒၪစံၭဝ့ၫႇ ယွၩအဘၩ့အမုးယီၩႇ မၩအၥၭဘဲၫၦၡၩဎွံၪလၩ့ ဆၧချံၫလၧဂၪ့ခိၪတၭႇ မံၫဝ့ၫတၭဂဲထုၪ့ဝ့ၫလၧမုနၩ ဒဲလၧမုဆၫနီၪႇ ဆၧချံၫမဲၪထၪ့ထီၫထၪ့ဝ့ၫ ဘဲၫၥ့ၪလဲၪဘဲၫၥ့ၪလဲၪနီၪႇ မွဲအဝ့ၫလၥ့ၪယၫဘၪလီၫ.
 အဂဲးဘဲၫယီၩ ဂၪ့ခိၪဒုၭမဲၪထၪ့ဒၪအဆၧႇ လၧအဆိၫ မွဲအထံၭႇ လၧခဲၫ့ထဲၩ့အၥၪဆဲၩႇ လၧခဲၫ့ထဲၩ့တၭႇ အၥၪဆၭဎွ့ၩထၪ့လၧ အဆဲၩအလီၩ့လီၫ.- ထီးအၥၪအီၪတၭႇ ဆၧကူၭဝ့ၫလၧထၭဂ့ၬချဲၫ့မၬလီၫ. အဂဲးဘဲၫယီၩ ကူၭဆၧအထီဘၪယူၭဝ့ၫယူၭ.
အဝ့ၫဒၪစံၭဝ့ၫႇ မွဲပမိမၩဎီၩ့ယွၩအဘၩ့အမုး လၧဆၧနီၪလမံၩ့လဲၪး မွဲပမိဒီၩ့လၩ့ဝ့ၫ လၧဆၧနီၪလမံၩ့လဲၪ.
 မၩအၥၭဘဲၫဘၪအချံၫ လၧအဘၪဎွံၪလၩ့ဝ့ၫ လၧဂၪ့ခိၪအဖၧၩ့ႇ အထီနီၪဆံၭနဲၪ့ဆၧဂူၫဆၧဂၩအချံၫ လၧဂၪ့ခိၪချိၫ့ဒံၭလီၫ.- ထီးအဘၪဆၧဎွံၪလၩ့ဝ့ၫဂီၩ့နီၪႇ မဲၪထၪ့ဝ့ၫတၭႇ ဒိၪထၪ့ဒိၪနဲၪ့ နၪ့ၥံၪမံၩ့ၥံၪထီးအလူၬတၭႇ ထိၪၥံၪလံၪၥံၪလၧမူၭဖိၭဖၫ့လဖၪနီၪႇ အီၪဝ့ၫလၧအလၩၡုၪၥ့ၪလီၫ.
ဘဲၫနီၪအၥိၭႇ အဝ့ၫဒၪချဲၩ့ဒီၩ့လၩ့ဆၧအၪမံၩ့တၭႇ လီၩလၩ့လၬလၩ့ဆၧအလူအထၫ ဘဲၫၦခိၭနၪဝ့ၫၥ့ၪအၥိၭနီၪလီၫ.-အ့ၪလမွဲဘၪဆၧချဲၩ့အဒီၩ့တၭႇ လီၩဘၪဆၧလၧအဝ့ၫၥံၪအ့ၬ. ထီးအအီၪလၧ ဆၧကဒုၩအလးတၭႇ လီၩဖျီၪထၪ့အထံၩအဖျဲၥံၪ လၧအခီၫပယီၫ ထီးအလူၬလီၫ.