ဆၧချဲၩ့ဒီၩ့ဘၪဆဲၫ့လၧၦစမ့ရအၫလၧအဂ့ၩလဂၩအဂဲး

ယိခွါ, ၦလၧအၥ့ၪလံၬဆၧၥီၪ့ဆၧၥၫ့လဂၩ ဂဲထုၪ့ကျဲၩ့ဖစီၩ့အဝ့ၫဒၪတၭ,စံၭဝ့ၫ, ဆရၫဧ့,ဘဲၫၥိၭယမိန့ ၥၫထဲၩ့ဆၧမၧၫ့အဆိၩဆိၩအကၠၪကၠၪတၭ, ယဘၪမၩဆၧနီၪလမံၩ့လဲၪ.- အဝ့ၫဒၪလီၩဘၪဝ့ၫ, လၧလံၬ ဆၧမၪလူၬအဖၧၩ့နီၪ, ဆၧကွ့ၭဝ့ၫဘဲၫၥ့ၪလဲၪ. နဖီဘၪ ဘဲၫၥ့ၪလဲၪ,- အဝ့ၫနီၪချဲၩ့ဆၧၫ့ဆၧ,စံၭဝ့ၫ, အဲၪ ယွၩ န က ဆါ လၧ န ၥၭ ထၧၫ့ ဖျိၪ့ယၫ, ဒဲ လၧ န ၥၭ ၡီၩ့ ထီး အ လူၬ, ဒဲ လၧ န ၥၭ ကိၪ့ ၥ့ၪ ထီး အ လူၬ, ဒဲ လၧ န ဂဲး န ဘၭ ထီး အ လူၬ ဆံၭ. အဲၪ ၦ လၧ န နဲၩ့ ထံၭ ဘဲၫန နၫ့ ဆါ ဒၪ န ဝ့ၫ အ ၥိၭ နီၪ ဆံၭ.

အဝ့ၫဒၪစံၭအဝ့ၫ,နချဲၩ့ဆၧဂ့ၩဘၪစဲၪလီၫ. မၩဆၧဘဲၫနီၪတၭ,နမိမၧၫ့လီၫ.-အဝ့ၫ ဒၪလဂၩမိအီၪက့ၪတီၩအီၪက့ၪလီၩ့ဘၪအၥၭ လၧအနၫ့ဆါဒၪဝ့ၫတၭ,စံၭယ့ၫၡုၬ, ၦလၧယနဲၩ့ထံၭနီၪ မွဲပလၫလဂၩလဲၪ.- ယ့ၫၡှူၬချဲၩ့ထၪ့တၭ, စံၭဝ့ၫ, ၦလဂၩစဲၪ့လၩ့ခွံၬလၧယရုစလံၫ့လ့ၩစိၩလၧယ့ၫရခိၫ နီၪ,လၩ့ဘၪဝ့ၫ လၧၦထမျၬအကျၩတၭ, အဝ့ၫၥံၪဘဲၪ့လၩ့ခွံၬအကီၩ့အၥိၭ, ဒဲဒိၪဝ့ၫထးဝ့ၫထီးအလၩ့ဘူၭ အမိၥံၫတၭ, စဲၪ့ဒၪဝ့ၫလီၫ.

ၦလုဆၧအဒိၪလဂၩလ့ၩဆၧလၧဖၧၩ့ၥၭနီၪ, ထီးအဒၪဘၪဝ့ၫတၭ, လ့ၩဖီၩ့ခွံၬဝ့ၫလၧဖၧၩ့ၥၭဝါလခီၫလီၫ.- ဘဲၫနီၪအၥိၭ ၦလံဝဲၫဖိၪလဂၩထီၩ့ထီးနီၪတၭ, လ့ၩဒၪဘၪဝ့ၫတၭ, လ့ၩဖီၩ့ခွံၬဝ့ၫလၧဖၧၩ့ၥၭ,ဝါလခီၫဆ့လီၫ. အ့ၪမွဲၦစမ့ရအၫဖိၪလဂၩလ့ၩဆၧနီၪ, ထီၩ့ဝ့ၫလၧအအီၪ ဒၪဘၪဝ့ၫတၭ,ယၫ့ၥၭဝ့ၫလီၫ.-အဝ့ၫဒၪလူၫ လၩ့ၥိၪ,ဒဲစဘံၭထံၫလၧအဖၧၩ့လး, ဒဲဘီၪ့ဘံၭဝ့ၫတၭ,ဒုၭထူၬဝ့ၫလၧအဆၧဖိၪဆၧဎါ ဒၪဝ့ၫလဒုၩတၭ, ၥိၫ့ဝ့ၫလၧၦမွံၩအီၪအလးတၭ, ယိထဲၩ့ခွါထဲၩ့ဝ့ၫလီၫ. ကဲဂီၩလနံၩ ထီးအစဲၪ့ထၪ့ခွံၬနီၪ, မၩန့ဒန့ရံၫနံၫဘံၪ့ တၭ,ဖ့ၪလၫ့ၦပၧၩ့ဆၧအလးနီၪ လီၩဘၪဝ့ၫ, ယိထဲၩ့ခွါထဲၩ့အဝ့ၫဒၪဘီၪ. ထီးဒၪနလူၬအၪနဲၪ့ဒံၭအယီၩဒံၭ, ထီးယအ့ၪဂဲၫထဲၩ့တၭ, ယမိဖ့ၪလၫ့ထဲၩ့နၧၩလီၫ.

မၩအၥၭဘဲၫနီၪတၭ, နဆီၫ့မီၪ့ဘဲၫၥ့ၪလဲၪ. လၧၦၥၧၫ့ဂၩအကျၩနီၪ, မွဲအကဲၪၦလၧအလၩ့ဘၪဝ့ၫလၧ ထမျၬအကျၩလဂၩနီၪ ၦအီၪလၧအနဲၩ့ထံၭနီၪမွဲလဂၩဂၩလဲၪ.- အဝ့ၫနီၪစံၭဝ့ၫ, မွဲၦလၧအယၫ့ၥၭဝ့ၫလဂၩ နီၪလီၫ. မၩအၥၭဘဲၪနီၪတၭ, ယ့ၫၡုၬလီၩဘၪအဝ့ၫ, လ့ၩဘီၪ,မၩနဝ့ၫဘဲၫနီၪအၥိၭဆံၭ.