ဆၧကျဲၩ့ဖစီၩ့လၧပကမၩဆၧဒဲၩဘၭ

နၥံၪဘၪဆဲၫ့လၧဎရံၬအကၠီၩ့တၭ, ထီးဒၪၦလၧအဒုၭအီၩ နၥံၪလၧထံၫအချံၪ့နးဘျႃၪ့လၧယ မံၩ့အကၠီၩ့လဂၩဂၩနီၪ, ယလီၩဘၪနၥံၪတီၩတီၩယီၩ, အခိးအတၩလၩ့မါဘၪဝ့ၫအ့ၬ.

ထီးဒၪၦလဂၩဂၩလၧအမၩလၩ့ထံၩဖါ ၦလၧအဆံၭလၧအနဲၩထဲၩ့ယၧၩလဂၩနီၪ အခိၬအ့ၪဘၪဆၧစၧၩ့ ထၬလၧဆုၪ့ဂူၬလိးတၭ, ဘၪဆၧခွံၬလၩ့ခွံၬဝ့ၫလၧမၫဆမံၭအဖၧၩ့နီၪ, မွဲအဂ့ၩဒၪအဆၧဒံၭလီၫ. နစူၪအ့ၪမၩလၩ့ထံၩဖါနၧၩတၭ,ဒၪ့ထ့ၬခွံၬဆံၭ. နအ့ၪလ့ၩနုၬအီၪဘၪလၧဆၧမၧၫ့အဖၧၩ့ လၧနစူၪထူၬ နီၪ,ဂ့ၩနဲၪ့ဒံၭနလ့ၩနုၬလၩ့လၧလရၬ, လၧမ့ၪလၧအလၩ့ဖံၬခွံၬလၥ့ၪဘၪအဖၧၩ့ လၧနစူၪနံၫခီၫလူၬဒံၭလီၫ. ဆၧထီးနီၪလိၪ့လၥံၫဘၪတၭ, မ့ၪလလၩ့ဖံၬဘၪလီၫ.-

နခၪ့အ့ၪမၩလၩ့ထံၩဖါနၧၩတၭ, ဒၪ့ထ့ၬခွံၬဝ့ၫဆံၭ. နအ့ၪလ့ၩနုၬဘၪ လၧဆၧမၧၫ့အဖၧၩ့ လၧနခၪ့ ထူၬနီၪ,ဂ့ၩနဲၪ့ဒံၭနဘၪဆၧခွံၬလၩ့နၧၩလၧလရၬ, လၧမ့ၪလၧအလၩ့ဖံၬလၥ့ၪဘၪအဖၧၩ့ လၧနခၪ့နံၫခီၫလူၬ ဒံၭလီၫ.- ထီးနီၪလိၪ့လၥံၫဘၪတၭး မ့ၪလလၩ့ဖံၬဘၪလီၫ.-

နမ့ၬၥၪအ့ၪမၩလၩ့ထံၩဖါနၧၩတၭ,အီၩ့ခွ့ၭထၪ့ခွံၬဝ့ၫဆံၭ. နအ့ၪလ့ၩနုၬဘၪ လၧယွၩအဘၩ့အမုး အဖၧၩ့လၧနမ့ၬၥၪလတီၪ့နီၪ, ဂ့ၩနဲၪ့ဒံၭနဘၪ ဆၧခွံၬလၩ့ခွံၬနၧၩလၧလရၬမ့ၪဖၧၩ့ လၧနမ့ၬၥၪနံၫတီၪ့လူၬဒံၭလီၫ.- ဆၧထီးနီၪလိၪ့လၥံၫဘၪဝ့ၫတၭ, မ့ၪလလၩ့ဖံၬဘၪလီၫ. အဂဲးဘဲၫယီၩကယဲၦထီးအလူၬနီၪ, မိဘၪဆၧလဲၩ ဎုၬဝ့ၫလၧမ့ၪတၭ, ကယဲဆၧလုထီးအလူၬနီၪ, မိဘၪဆၧလဲၩဎုၬဝ့ၫလၧထံၫလၪလီၫ.- ထံၫလၪနီၪမွဲဆၧအ ဂ့ၩလီၫ. အ့ၪမွဲဆၧလၧထံၫလၪယီၩ, အဂၫ့အ့ၪဘျိၪခွံၬဝ့ၫတၭ,မွဲအမိဂၫ့ထဲၩ့ဝ့ၫ လၧဆၧနီၪလမံၩ့လဲၪ. နၥံၪဝ့ၫဒၪယီၩ, အီၪလၧထံၫလၪလၧနၥံၪအဖၧၩ့ဆံၭ. အီၪဘၪလိၬအိၭလိၬ နၥံၪအၥၭဆုၬဆုၬဆံၭ.