စဇၭခရဲအၫချဲၩ့ဆၧလၧမီၪအချိၬ.

အဖါစဇၭခရဲအၫလၧၫ့ထၪ့ဎွ့ၩထၪ့ လၧၥၭမုဆံၫ့ဎံၪတၭႇ ချဲၩ့ဆၧလၧမီၪအချိၬႇ စံၭဝ့ၫႇ-

ၦအံၫစရ့လၭဖိၪ အကဆါယွၩနီၪ မွဲအဘၪဆၧဆိၪဂ့ၩဆံၭ. အဂဲးဘဲၫယီၩ မွဲအအီၪၡီၩ့ယူၭ ဒဲဎွ့ၩန့ထဲၩ့ယူၭ အခ့ၫအၡၩတၭႇ- ဒုၭအီၪထၪ့ယူၭ ဆၧထိးထဲၩ့တၩ့ထဲၩ့အနိၩ့ လၧပဂးလၧအခ့ၫအၡၩ စဒၫဝံၭအဂံၪ့ဖၧၩ့ယူၭ.-

 (ဘဲၫ အစံၭဆၧ လၧအဝံခိၪထံၭ လၧဖျိၩ့လၧမီၪဆံၫ့ဎံၪအၥိၭနီၪႇ)- ဆၧထိးထဲၩ့တၩ့ထဲၩ့ပၧၩ လၧပဒုၪပဒၩၥံၪႇ ဒဲကယဲၦလၧအၥၭဂဲၫ့ပၧၩ အစူၪဖၧၩ့ထီးအလူၬႇ ဘဲၫၥိၭအမိဒုၭနဲၪ အဆၧယၫ့ၥၭ လၧဖါၥံၪအလီၩ့ႇ ဒဲနၪ့ထၪ့ထဲၩ့ အဆၧအုၩ့လၩ့ဆံၫ့ဎံၪနီၪႇ- အဆၧဆိၪလၧအဆိၪလၩ့အၥၭ လၧပဖါစအၫဘြဟၫ့ႇ- လၧအမိထုၭထၪ့န့ပၧၩ လၧပဒုၪပဒၩၥံၪအစူၪဖၧၩ့ ဘဲၫၥိၭပမိမၩအဆၧလၧပၥၭဒူၩ,- လၧဆၧဆံၫ့ဎံၪႇ ဒဲလၧဆၧ တီၩဆၧလီၩ့အဖၧၩ့ လၧအမ့ၬယၫလဆိၩဒၪပၥၭလီၫ.

နဝ့ၫဒၪယီၩဖိၪၥၪဧ့ႇ ဆၧမိကိၭနၧၩလၧဆၧထီၫထုၬအမီၪလီၫ. အဂဲးဘဲၫယီၩ နမိလ့ၩတဲၩ့ဝဲၩကဆါအဖၧၩ့ၥၭ လၧအမ့ၬယၫ.- ဘဲၫၥိၭနမိဒုၭၥ့ၪယၫအခ့ၫအၡၩ လၧဆၧထိးထဲၩ့တၩ့ထဲၩ့ လၧဆၧဒဲၩဘၭဖီၩ့ဖျ့ၭအဂဲးႇ- လၧပယွၩအဆၧယၫ့ၥၭအကၠီၩ့လီၫ. လၧဆၧနီၪ လမံၩ့အကၠီၩ့တၭႇ မုဂိးထၪ့ဂဲၫလၩ့လၧထၭနီၪအီၪၡီၩ့ပၧၩႇ- ဘဲၫၥိၭအမိဖၩ့ထၪ့န့ၦအီၪလၧဆၧခံၭကျၩႇ  ဒဲဆၧၫ့နၩ့လၧ ဆၧၥံၫအလၩၡုၪအကျၩ ဘဲၫၥိၭအမိၥိၫ့ပခၪ့လၧဆၧဘၪ လိၬအိၭလိၬအဖၧၩ့ၥၭလီၫ.