,hENlRpH]0hEepH],l]qm,l]

ယ့ၫရှူၬဆၧၫ့ထုၪ့လၧၦဒိၪဖၭဒိၪ အမ့ၬယၫတၭ ၦဒိၪဖၭဒိၪအၪ့စၪ့ဝ့ၫနီၪ စံၭဝ့ၫဒၪ နဝ့ၫဒၪယီၩနမွဲၦယု ဒၫဖိၪအစဎွၩဧၪ ယ့ၫရှူၬစံၭဝ့ၫနစံၭယူၭဆၧယူၭ. ထီးၦလုဆၧအဒိၪၥံၪ ဒဲၦၥုၪ့က့ၭၥၭၡါၥံၪအီၪက့ၪဆၧ မၪလၧအလီၩ့တၭ အဝ့ၫဒၪချဲၩ့ဆၧၫ့ဆၧနးထံၪအ့ၬ. ထီးနီၪလဖၧၫ့ စပဲလၭစံၭဝ့ၫ မွဲၦထိးအၥၭထၫ့ဒုၪဒၩနၧၩဆံၭအၪဆံၭအၪလဲၪနီၪ နနါဂၧၫ့အ့ၬဧၪ.- န့ၫလ ထံၪနီၪမွဲအချဲၩ့ဆၧၫ့ဝ့ၫအ့ၬ. အခိးမွဲဘဲၫနီၪတၭ ၦဒိၪ ဖၭဒိၪထီၫမံၫထီၫမၪဝ့ၫဒိၪမၬလီၫ. ဆၧစ့ၩရၫ့ယ့ၫရှူၬလၧမိဘၪၥံၫဝ့ၫ.  ထီးၦမၩဘိၪ့နီၪၦဒိၪဖၭဒိၪ ကွဲၪဖျါၦထီၫ့ဖိၪလဂၩ အထူၫအရူၫအီၪဝ့ၫလီၫ.- အထီထီးနီၪၦလၧအမံၩ့အ ၥၪဖျီၪဝ့ၫ စဘရၭဘၭလဂၩ အီၪဝ့ၫလၧထီၫ့ဖၧၩ့လီၫ. မၩအၥၭဘဲၫနီၪတၭ ထီးၦအီၪကိၩ့အီၪကီၪ့တၭ စပဲ လၭစံၭအဝ့ၫၥံၪ မွဲအဘၪနၥံၪအၥၭ လၧယမိကွဲၪဖျါ ခွံၬလၧနၥံၪအဂးပလၫလဂၩလဲၪ. မွဲစဘရၭဘၭနီၪဧၪ မွဲယ့ၫရှူၬလၧၦကိၭဝ့ၫဎရံၬနီၪဧၪ.- အဂဲးဘဲၫယီၩၥ့ၪ ယၫဝ့ၫလၧအဝ့ၫၥံၪဖ့ၪလၫ့ခွံၬဝ့ၫ လၧဆၧၥၭခ့ၬအ ကၠီၩ့လီၫ. အဝ့ၫဒၪဆၧၫ့နၩ့ဝ့ၫ လၧစ့ၩရၫ့ဆၧအလးဖၫ့ခိၪအ ဘိၩ့ဘၭနီၪ အမၫအၪ့မၧၫ့လၩ့အလူလၧအအီၪ စံၭ ဝ့ၫဒၪမွဲဆၧဘၪဆဲၫ့လၧနၧၩ လၧၦအတီၩအလီၩ့လ ဂၩနီၪထီးအီၪနးမံၩ့လဂ့ၩ.

အဂဲးဘဲၫယီၩ လၧမုလ နံၩယီၩယဘၪဆၧအၪမံၩ့ လၧအဝ့ၫဒၪအကၠီၩ့ လၧဆၧမံၫမးအဖၧၩ့လီၫ.- ၦလုဆၧအဒိၪၥံၪ ဒဲၦၥုၪ့က့ၭ ၥၭၡါၥံၪပဂၨၪထၪ့ၦခမျၧး ဘဲၫၥိၭအမိအၪ့ကံၩ့စဘရၭဘၭတၭ မၩၥံၫခွံၬယ့ၫရှူၬလီၫ.- ၦဒိၪဖၭဒိၪချဲၩ့ ဆၧၫ့ဆၧတၭစံၭဝ့ၫ ဆၧလၧၦနံၫဂၩနီၪ မွဲအဘၪနၥံၪ အၥၭလၧယမိကွဲၪဖျါ လၧနၥံၪအဂးလဂၩဂၩလဲၪ.တၭအဝ့ၫၥံၪစံၭဝ့ၫဒၪ စဘရၭဘၭလီၫ.- စပဲလၭစံၭ အဝ့ၫၥံၪးအ့ၪမွဲဘဲၫနီၪတၭ ယ့ၫရှူၬၦကိၭဝ့ၫဎရံၬနီၪ ယမိမၩအဝ့ၫဘဲၫၥ့ၪလဲၪ. ၦခမျၧးထီးအလူၬနီၪစံၭဝ့ၫ ဖျၩထၪ့ခွံၬဝ့ၫလၧထုၪ့စူၪယၫအလီၩ့ဆံၭ.ၦဒိၪဖၭဒိၪစံၭဝ့ၫဒၪ ဘၪနီၫလဲၪမွဲအမၩမၪဘၪဆၧနီၪ လမံၩ့လဲၪ. အဝ့ၫၥံၪကိၭၡၭထၪ့ အၪနဲၪ့အလးဒံၭတၭ စံၭဝ့ၫဒၪ ဖျၩထၪ့ခွံၬဝ့ၫ လၧထုၪ့စူၪယၫအလီၩ့ဆံၭ.ထီးစပဲလၭဒၪဘၪဝ့ၫ လၧအချဲၩ့ဆၧလန့ကၩဘၪ ဆၧနးမံၩ့နီၪ အ့ၪမွဲဆၧတုၩ့ထၪ့တုၩ့လၩ့ ကဲၪထၪ့ဝ့ၫ လခီၫတၭ မၩန့ထံၫၥူၫဝၭခွံၬအစူၪလၧၦခမျၧးအ မ့ၬယၫတၭ စံၭဝ့ၫဒၪယဝ့ၫဒၪယီၩ ယဖီၩ့ဖျ့ၭလၧၦ အတီၩအလီၩ့လဂၩယီၩအၥွံၪလီၫ. ယိနၥံၪဝ့ၫဆံၭ.ၦခမျၧးထီးအလူၬချဲၩ့ဆၧၫ့ဆၧတၭ စံၭဝ့ၫဒၪ အဝ့ၫ ဒၪအၥွံၪနီၪမွဲအအီၪဒၪဝ့ၫလၧပလီၩ့ ဒဲလၧပဖိၪပလံၩအလီၩ့ဆံၭ.- ထီးနီၪလဖၧၫ့ အဝ့ၫနီၪကွဲၪဖျါခွံၬ စဘရၭဘၭလၧအဝ့ၫၥံၪအဂးတၭး အ့ၪမွဲယ့ၫရှူၬလ ဂၩဒိၪဝ့ၫထးဝ့ၫဂီၩ့တၭ ဖ့ၪလၫ့ခွံၬဝ့ၫဘဲၫၥိၭအမိ ဘၪဆၧဖျၩထၪ့ခွံၬ လၧထုၪ့စူၪယၫအလီၩ့နီၪလီၫ. ၥုၭဖိၪလဖၪဒုၪဒွ့ၪယ့ၫရှူၬ.ထီးနီၪလဖၧၫ့ ၦဒိၪအၥုၭဖိၪလဖၪမီၩ့နုၬယ့ၫရှူၬလၧ စ့ၩရၫ့ခွးအလးတၭ ၥုၭဖိၪထၧၫ့ဒီၪ့ယၫ ဂဲၫအီၪကီၪ့လၧအအီၪ- အဝ့ၫၥံၪဘဲၪ့လၩ့ခွံၬအကီၩ့အၥိၭတၭဒုၭၥိၭထၪ့ဝ့ၫလၧအဝိၬလိၫ့ဝီၩလီၫ.- အဝ့ၫၥံၪထဲၫ့ၥရ ဖူၩလၧဆၧဆူၪတၭ ဒုၭချႃၬထၪ့ဝ့ၫလၧအခိၪဎွံၪနီၪ အီၪက့ၪဖီးလဘီၩ့လၧအစူၪထွ့ၪတၭ ချံၭလၩ့အခၪ့ လၧအမ့ၬယၫ ဒုၪဒွ့ၪဝ့ၫတၭ,စံၭဝ့ၫဒၪ ၦယုဒၫအစဎွၩဧ့မွဲနဘၪဆၧအမုၬဆံၭ.-

အဝ့ၫၥံၪထိၪဖျံၭအဝ့ၫတၭမၩန့ဖီးလဘီၩ့နီၪဒိၪဝ့ၫအခိၪဎွံၪလီၫ.- ထီး အဒုၪဒွ့ၪဝ့ၫဂီၩ့တၭ ဘဲၪ့လၩ့ခွံၬအဝိၬလိၫ့ဝီၩ လၧအ လီၩ့တၭ ဒုၭကီၩ့ဒုၭၥိၭထၪ့ထဲၩ့ အကီၩ့အၥိၭဒၪဝ့ၫ တၭလ့ၩၥိၫ့ထၪ့ဝ့ၫ ဘဲၫအမိဘၪဆၧဖျၩထၪ့ဝ့ၫလၧထုၪ့ စူၪယၫအလီၩ့အၥိၭလီၫ. ယ့ၫရှူၬဘၪဆၧဖျၩထၪ့ဝ့ၫလၧထုၪ့စူၪယၫအလီၩ့. အဝ့ၫၥံၪစဲၪ့ထၪ့အဘိၩ့ဘၭတၭ ဒၪန့ၦစဲၫရံနံၫဖိၪ အမံၩ့မွဲစစဲမၧၫ့လဂၩတၭ အၪ့မၧၫ့ဆီၪ့ဝ့ၫနီၪဘဲၫအမိ ယိၭအဝ့ၫဒၪအထုၪ့စူၪယၫအၥိၭနီၪလီၫ.ထီးအဝ့ၫၥံၪလ့ၩထီၩ့ လၧအလးကိၭဝ့ၫလၧဂီၫလ ဂိၥၫဘဲၫၦစံၭဆၧအၥိၭ ဆၧခိၪဎွံၪလဲၫအလးတၭအဝ့ၫၥံၪဖ့ၪဒုၭအီၩယ့ၫရှူၬ လၧဆၧဆဲၪ့ထံၫလၧအလဲၩ ဎုၬဝ့ၫလၧၥံၪခၪနီၪတၭ အဝ့ၫဒၪထဲးယိဝ့ၫတၭအီၩဝ့ၫနီၪအၥၭအီၪအ့ၬ.- ၦဖျၩထၪ့ဝ့ၫလၧထုၪ့စူၪ ယၫအလီၩ့ဂီၩ့တၭ အၪ့နၩ့ဖၭအကီၩ့အၥိၭဎဘဲၫမီၪ အလူအထၫမိလၧၫ့ထၪ့ဎွ့ၩထၪ့ ဝ့ၫအၥိၭလီၫ. စံၭဝ့ၫ ဒၪအဝ့ၫၥံၪအၪ့နၩ့ဖၭယကီၩ့ယၥိၭ လၧအဂးဒၪဝ့ၫတၭဖၭဝ့ၫလၧယဆဲၫ့အဂးလီၫ.- အဝ့ၫၥံၪဆၧၫ့နၩ့ အီၪခိၭဝ့ၫထီးနီၪလီၫ.အဝ့ၫၥံၪအီၪက့ၪထၪ့ဝ့ၫ လၧအခိၪဎွံၪအဖၫ့ခိၪ အဆၧ မၪအီၪကွ့ၭအၥၭ အယီၩလဂၩမွဲၦယုဒၫဖိၪအစဎွၩယ့ၫရှူၬ လီၫ.ထီးနီၪလဖၧၫ့ ဆၧဖျၩထၪ့ၦထမျၬနံၫဂၩလၧအ ၥိၭလၧအစူၪထွ့ၪလဂၩ လၧအစူၪစ့ၪလဂၩလီၫ.ၦလဲးလီၩ့ လဲးထၪ့လဖၪဖျၭလၩ့အခိၪတၭဒုၪဒွ့ၪဝ့ၫနီၪ- စံၭဝ့ၫဒၪ ၦလၧအမၩလၩ့ဎီးဆၧလုအဂံၪ့တၭ မၩထၪ့ထဲၩ့ဝ့ၫလၧၥၧၫ့နံၩအထးဖၧၩ့လဂၩဧ့ ထိးထဲၩ့ တၩ့ထဲၩ့ဒၪနၥၭဆံၭ. နအ့ၪ မွဲယွၩအဖိၪခွၫလဂၩတၭ,ဂဲၫထဲၩ့လၩ့လၧထုၪ့စူၪယၫအလီၩ့ဆံၭ.-

ဘဲၫနီၪအၥိၭ ၦလုဆၧအဒိၪၥံၪ ဒဲၦကွ့ၭလံၬၥံၪဒဲၦၥုၪ့က့ၭၥၭၡါၥံၪနီၪဒုၪဒွ့ၪဆ့တၭစံၭဝ့ၫဒၪ- အဝ့ၫဒၪထိးထဲၩ့တၩ့ထဲၩ့ ၦအဂူၫဂၩၥံၪ အ့ၪမွဲအနၫ့ဆါဒၪဝ့ၫနီၪ ထိးထဲၩ့ တၩ့ထဲၩ့ဝ့ၫၥ့ၪအ့ၬ. အ့ၪမွဲၦအံၫစရ့လၭအစဎွၩတၭ မွဲအဂဲၫထဲၩ့လၩ့ထဲၩ့ လၧထုၪ့စူၪယၫအလီၩ့ဆံၭ.ပမိနဲၩထဲၩ့ပဝ့ၫလီၫ.- အဝ့ၫဒၪဒိၭနဲၩ့အၥၭလၧယွၩနီၪ တၭယွၩအၥၭအ့ၪအီၪဝ့ၫ မွဲအကွဲၪဖျါခွံၬဝ့ၫဘိၩ့နဲၪ့ ယီၩဆံၭ. အဂဲးဘဲၫယီၩ စံၭဝ့ၫ ယမွဲယွၩအဖိၪခွၫလီၫ.- ၦထမျၬလၧအဘၪဆၧဖျၩထၪ့ဝ့ၫ လၧ အၥိၭ,လၧထုၪ့စူၪယၫ အလီၩ့နီၪဒုၪဒွ့ၪဝ့ၫဘဲၫနီၪၥိၭဆ့ လီၫ. ယ့ၫရှူၬအဆၧၥံၫ. လၧဎူၫနၩရံၩထီၩ့ လၧခွံၫနၩရံၩနီၪ, ဆၧခံၭဝ့ၫဒၪလၧခးဖၧၩ့ထၧၫ့ဘံၪ့ယၫလီၫ.- ဘၪခွံၫနၩရံၩကၪယူၭ တၭယ့ၫရှူၬကိၭၡၭထၪ့ လၧအလူဖၭဒိၪတၭ စံၭဝ့ၫ ဒၪ:အံလဲၫ အံလဲၫ လ့မၫစဘၭၥနဲၫဘဲၫၦစံၭ ဆၧအၥိၭယယွၩဧ့ယယွၩဧ့ဘၪနီၫလၧနစဲၪ့ဒၪယၧၩလဲၪ.- ၦလၧအဆၧၫ့ထုၪ့ထီးနီၪလနၩ့နၩ့ထီး အနါဂၧၫ့ဝ့ၫတၭ စံၭဝ့ၫဒၪအယီၩလဂၩကိၭထၪ့စအံၫလဲယၫလီၫ.- ၦလဂၩထဲၩ့စဲၪ့တလဲးချဲၫ့မၬတၭမၩန့ ဎၧၩ့မၫဆမံၭလလီၪ့တၭ စုၪလၩ့စီၪဝ့ၫလၧဆၧဆဲၪ့ ထံၫတၭယူၬထၪ့ဝ့ၫလၧဖီးလဘီၩ့အခံၫတၭ ဒုၭအီၩဝ့ၫလီၫ.-

အ့ၪမွဲၦဂူၫဂၩလဖၪစံၭဝ့ၫဒၪ အီၪဒၪဝ့ၫ ဆံၭ.စအံၫလဲယၫမိဂဲၫ ထိးထဲၩ့တၩ့ထဲၩ့ဝ့ၫဆ့ဧၪး မွဲပယိခွါဒၪခလူၬဘီၪ.- ထီးနီၪလဖၧၫ့ ယ့ၫရှူၬကိၭၡၭ ထၪ့ဒီၭလၧ အလူဖၭဒိၪတၭ ဖ့ၪလၫ့ခွံၬအၥၭလီၫ.ယိခွါ ဆၧလုဂံၪ့အကလကၫယၬလၩ့လၧအခံၫ ထိၭဖိးလၩ့လၧအခၪ့ထံၭနံၫခီၫလီၫ. ဂၪ့ခိၪဝၭဝ့ၫတၭလိးမုလဲၫ့ဖၫ ထ့ဖိးထ့ဖၭခွံၬဝ့ၫဒၪလီၫ.- ဆၧၥွၪခိၪအ ဖၧၩ့လဖၪ ဝဲထၪ့အၥၭတၭ ၦဆံၫ့ဎံၪလၧအမံၫဝ့ၫအၪဂၩအစွၪၥံၪဂဲထုၪ့တၭ- လၧယ့ၫရှူၬဂဲထုၪ့ထဲၩ့ အလးခဲၫ့နီၪဂဲၫထဲၩ့ထၪ့ဝ့ၫလၧဆၧၥွၪခိၪအဖၧၩ့တၭ လ့ၩနုၬဝ့ၫလၧဒိၩ့ဆံၫ့ဎံၪအဖၧၩ့ တၭ မၩဖျီၪထၪ့အ ၥၭလၧၦအၪဂၩအမ့ၬယၫလီၫ.ၦၥုၭဖိၪလယၩအခိၪလဂၩ ဒဲၦအီၪလၧအၥိၭလဖၪ လၧအခိၭယ့ၫရှူၬနီၪ ထီးအဒၪဘၪဂၪ့ခိၪဝၭ ဒဲဆၧမၩ အၥၭလဖၪနီၪ ၥၭမဲၪၥၭဖျဲၩ့ဝ့ၫဒိၪမၬတၭစံၭဝ့ၫဒၪအ ယီၩလဂၩမွဲယွၩအဖိၪခွၫတၡါလီၫ.