ၦလၧအနဲၩ့ထဲၩ့ယၧၩလဂၩဂၩနီၪ

မၩအၥၭဘဲၫနီၪတၭ, အဝ့ၫဒၪစံၭဝ့ၫ, ယဝ့ၫဒၪယီၩ ယမွဲကိၪဂဲၫလၩ့လၧမူၭခိၪနီၪ, ၦယုဒၫဖိၪၥူၭဝံၪၥူၭလၩဆၧ လၧဆၧနီၪလမံၩ့အဂဲး- စံၭဝ့ၫ,ၦယီၩမွဲစယိၥၭအဖိၪခွၫ ယ့ၫၡုၬလဂၩနီၪ မွဲအ့ၬဧၪ. အမိဒဲအဖါနီၪပၥ့ၪယၫမွဲအ့ၬဧၪ. အခိးမွဲဘဲၫနီၪတၭ, မွဲဘၪနီၫလၧအစံၭဝ့ၫ ယဂဲၫလၩ့ လၧမူၭခိၪနီၪလဲၪ.-

ယ့ၫၡုၬချဲၩ့ဆၧၫ့ဆၧတၭ,စံၭအဝ့ၫၥံၪ, နၥံၪချဲၩ့ဒုၪ့လိၬနၥံၪအၥၭနီၪ, ထီးၥူၭဝံၪၥူၭလၩဆၧလဂ့ၩ.- ယဖါလၧအအၪ့မၧၫ့ လၩ့န့ယၧၩလဂၩ အ့ၪလမီၩ့ဘၪဝ့ၫနီၪ, ၦၡၩဂဲၫလၧယအီၪၥ့ၪနးဂၩအ့ၬ. ယမိဒုၭဂဲထုၪ့ထဲၩ့အဝ့ၫလၧမုနံၩ အထုၬခိၬလီၫ.- ဆၧကွ့ၭအၥၭလၧမီၪၥံၪအဖၧၩ့, ယွၩမိၥီၪ့လိၪအဝ့ၫၥံၪထီးအလူၬနီၪလီၫ. မၩအၥၭဘဲၫနီၪတၭ, ကယဲၦလၧအနါဂၧၫ့ ဖါအဆၧချဲၩ့ဒဲမၩလိၪဝ့ၫလဖၪနီၪ, ဂဲၫဝ့ၫလၧယအီၪလီၫ.-

အ့ၪလမွဲဘၪၦလဂၩ လၧအဂဲၫလၩ့လၧယွၩအအီၪနီၪ, ၦဒၪဘၪဖါနးဂၩအ့ၬ. အဝ့ၫနီၪဒၪဘၪဖါလီၫ. ယလီၩဘၪနၥံၪတီၩတီၩလီၩ့လီၩ့, ၦလၧအနဲၩ့ထဲၩ့ယၧၩလဂၩဂၩနီၪ, အီၪဝ့ၫလၧဆၧမၧၫ့ လၩ့ဆိၩလၩ့ကၠၪလီၫ.- ယဝ့ၫဒၪယီၩ ယမွဲဆၧမၧၫ့အကိၪနီၪလီၫ. နၥံၪအဖါၥံၪအၪ့မၪ့နၫ လၧမံၩ့လၬကျၩနီၪ ၥံၫဝ့ၫလီၫ.- အယီၩမွဲကိၪလၧအဂဲၫလၩ့လၧမူၭခိၪ ဘဲၫၥိၭၦလၧအအၪ့ဝ့ၫလဂၩဂၩနီၪ မိၥံၫဘၪအ့ၬ.- ယဝ့ၫဒၪယီၩ ယမွဲဆၧမၧၫ့အကိၪ လၧအဂဲၫလၩ့လၧမူၭခိၪလီၫ. ဆၧလၧကိၪယီၩၦလၧအအၪ့ဝ့ၫလဂၩဂၩနီၪ မိမၧၫ့ဝ့ၫ လၩ့ဆိၩလၩ့ကၠၪလီၫ. ကိၪလၧယမိဖ့ၪလၫ့နီၪ, မွဲယယၪလၧယမိဖ့ၪလၫ့ လၧဂၪ့ခိၪဖိၪအဂးလီၫ.