ၦဂြံစၭဖိၪလနၩ့အၪ့ဎၬယ့ၫၡုၬ

ၦဂြံစၭဖိၪၥံၪလနၩ့နၩ့ အီၪလၧၦဂဲၫဘၩဆၧလၧဆၧ ဘိၪ့ဖၧၩ့လဖၪအကျၩလီၪ- မၩအၥၭဘဲၫနီၪတၭ,အဝ့ၫ ၥံၪဂဲၫလၧစဖံလံၭၦဘ့ၭၥစ့ဒၫဖိၪလၧဂၫလလံၫအဖၧၩ့ အအီၪတၭ,အၪ့စၪ့အဝ့ၫ,စံၭဝ့ၫကဆါဧ့,ဆၧမိဒၪဘၪ ပၥၭလၧယ့ၫၡုၬနီၪလီၫ.- တၭစဖံလံၭလီၩဘၪ စအၪ့ ဒူၫနီၪ,စအၫ့ဒူၫ ဒဲစဖံလံၭ လ့ၩလီၩဘၪထဲၩ့ ယ့ၫၡုၬ လီၫ.

ဘိၩ့နဲၪ့ယီၩ ယၥုၪ့ခိမၭ.ယၥၭဝီၩတၭ, မွဲယမိစံၭ ဘဲၫၥ့ၪလဲၪ.မွဲယမိစံၭ, ဖါဧ့,ထိးထဲၩ့တၩ့ထဲၩ့ယၧၩ လၧအဆၧၫ့အထီယီၩဧၪ. မွဲလါနၫ့ဘဲၫၥိၭယမိထိး ဆၧအဆၧၫ့ အထီယီၩတၭ, ယဂဲၫလၩ့ယဝ့ၫလီၫ. ဖါဧ့,ဒုၭလၩဖၩ့နမံၩ့ဆံၭ.

မၩအၥၭဘဲၫနီၪတၭ, ဆၧအလူၥီၫလၩ့မၭလၧမူၭခိၪ, ယဒုၭလၩဖၩ့ယူၭ.တၭယမိဒုၭလၩဖၩ့ဒီၭလီၫ.- မၩ အၥၭဘဲၫနီၪတၭ, ၦခမျၧးလၧအဆၧၫ့ထုၪ့နါဂၧၫ့ဆၧ နီၪတၭ,စံၭဝ့ၫလၧအမွဲလၫ့အလူၥီၫလီၫ. အဂူၫဂၩလ နၩ့,စံၭဝ့ၫ, မွဲအၥီၫ့လဂၩ ချဲၩ့ဆၧလၧအဝ့ၫနီၪလီၫ. ယ့ၫၡုၬချဲၩ့ဆၧၫ့ဆၧတၭ, စံၭဝ့ၫ,ဆၧအလူၥီၫနီၪ မွဲလၧ ယဂးအ့ၬ, မွဲလၧနၥံၪအဂးလီၫ.- ဘိၩ့နဲၪ့ယီၩဂၪ့ခိၪ ဘၪဆၧစ့ၩရၫ့လီၫ. ဘိၩ့နဲၪ့ယီၩဂၪ့ခိၪအခိၪနီၪဘၪ ဆၧနၫ့ထၪ့ခွံၬဝ့ၫလီၫ.- ယဝ့ၫဒၪယီၩ ယအ့ၪဘၪဆၧ ဘီၩ့ထၪ့ယၧၩလၧဂၪ့ခိၪချိၫ့ယီၩတၭ, ယမိမီၩ့ထဲၩ့ ၦကိၭဂၩဒ့ၭလၧယအီၪလီၫ.မွဲအမိၥံၫဘဲၫအံၩဘဲၫအိၩအဂဲးအကၠီၪ့နီၪ, ဒုၭနဲၪ ဝ့ၫလၧအဆၧချဲၩ့နီၪလီၫ.