အၪ့နၩ့လၩ့ဖီၫအဘိၪ့မုနံၩ

ကဆါယွၩအၥၭကလၧၫ့ထၪ့ဎွ့ၩထၪ့ လၧဂၪ့ခိၪချိၫ့ဖၧၩ့ယီၩနီၪ မွဲဝ့ၫအကၧၩ့ဒိၪထုၬတၭႇ ပကဘၪအီၪက့ၪထၬ လၧကိၭမံၩ့ဒ့ၭ အဖၫ့ခိၪလီၫႉ 
ယ့ၫၡုၬနီၪ မွဲပနးခီၫနးၥၭအဆၧဎွၩအကၠီၩ့ႇ အဝ့ၫနီၪ လၩ့ဂၬလၧဂၪ့ခိၪအဆၧဎွၩၥံၪလဖၪအ့ၬႉ 
ဂၪ့ခိၪအဆၧဎွၩအၪဒၪဆၧနီၪ မၩဎိၩမၩဒိၪၥၭတၭႇ ၦခမျၧးလဖၪၥၭမဲၪဝ့ၫႇ မၩအ့ၪအခ့ၫအၡၩဆၧမၩလီၫႉ 
ယ့ၫၡုၬစဎွၩနီၪ မွဲယွၩလဂၩဎးႇ လၧဎွ့ၩလၧအစီၩ့အမၩ့လါနၫ့ဂ့ၩ ဂဲၫအီၪၥၭမၧၫ့ဘဲၫၦၡၩႇ ဘဲၫၦအခ့ၫအၡၩကဂၩအၥိၭႇ 
လၧဆၧဆၪ့လၩ့ၥုၪ့ဆၪ့လၩ့ၥၭအဖၧၩ့ ဂဲၫထိးထဲၩ့တၩ့ထဲၩ့ပၧၩလီၫႉ 

အဲၪကွံၩဘၪထၧၫ့ဖုဝဲၦဆူနဲၩဖိၪၥံၪဧ့ႇ 
လၧအၪ့နၩ့လၩ့ဖီၫ ဘိၪ့မုနံၩယီၩႇ ပကိၭၡၭထၪ့ အိၫဇၩ့နၩႇ ပထိးဆၧၫ့ယ့ၫၡုၬ ဘဲၫပကဆါႇ ပစဎွၩအၥိၭအကၠီၩ့ ပကဘၪလုထၪ့ ပၥၭႇ ပနၫ့ဆါထၧၩ့ဂၩယၫႇ ပနးခီၫနးၥၭႇ ပဆၧဖံၭဆၧမၩႇ ဆၧကိၪ့ထၪ့ဖၭလၩ့ထီးလူၬ လၧယ့ၫၡုၬစဎွၩအအီၪလီၫႉ 

ဆၧအၪ့နၩ့လၩ့ဖီၫထဲၩ့ မုအီၪပွံၭနံၩႇ ဖီၫထဲၩ့လၧပန့ဘၪနီၪ ပထဲၩ့ဆိၬန့ လၧပဂံၪ့တၭႇ ပကအီၪက့ၪထၬ လၧပဒၪၥ့ၪအလးနီၪတၭႇ  
ဖီၫထဲၩ့နီၪ ဘဲၫၥိၭကမၩနၪ့ထၪ့ပၧၩ လၧယ့ၫၡုၬနီၪ မွဲပဂံၪ့ဒီၪ့အစဎွၩႇ မွဲၦၡၩထီးလူၬအစဎွၩႇ မွဲဝ့ၫ ဆၧမုၬဆၧၡူၪႇ ဆၧဆိၪဂ့ၩကိၭမံၩ့ အခၪ့ထံၭခၪ့ဎၧၩ့လီၫႉ 
ပဂံၪ့ပဎၪ့ႇ ဆၧဖံၭဆၧမၩႇ ကျိၪစ့ၩႇ စူၪလးခၪ့ခိၪႇ ဆၧၥၭမၧၫ့လၧဂၪ့ခိၪချိၫ့ယီၩနီၪ ကအီၪလဆိဖိၪလၧၫ့တၭႇ ဂုးခၧၫ့အဆိၩအကၠၪအ့ၬႉ 
ဆၧနီၪအကၠီၩ့ႇ ပကဘၪအီၪက့ၪဒိၪ ယ့ၫၡုၬကဆါယွၩအၥၭအဆၧဆိၫ့ႇ ယွၩအၥၭလု လၧပဆၧၥၭမၧၫ့အဖၫ့ခိၪ ဒဲဆၧကိၭမံၩ့ဒ့ၭအဖၫ့ခိၪလီၫႉ