လီၩလၩ့လၬလၩ့ဆၧၥၭထိၬအပရၧၫ့

အဝ့ၫ ဒၪစံၭအဝ့ၫၥံၪ, လ့ၩလၧဂၪ့ခိၪချိၫ့ထၧၫ့ဖျိၪ့ယၫတၭ, လီၩလၩ့လၬလၩ့ဆၧၥၭထိၬအပရၧၫ့ လၧကယဲၦၡၩ ကိၭဂၩဒ့ၭဆံၭ.- ၦလၧအနဲၩ့ထဲၩ့ဆၧဒဲဒိၭဘၭတံၫဇၫ့ အၥၭလဂၩဂၩနီၪမိထီၩ့ဝ့ၫ လၧဆၧထိးထဲၩ့တၩ့ထဲၩ့ လီၫ.အ့ၪမွဲၦလၧအလနဲၩဘၪဝ့ၫလဂၩဂၩနီၪ,မိဘၪ ဆၧစ့ၩရၫ့စၪလီၫ.

ၦလၧအနဲၩဆၧလဖၪနီၪ, ဆၧမိမၩလၩ့လၭအၥၭ လၧအဝ့ၫၥံၪဘဲၫယီၩ, မွဲအမိနၫ့ထၪ့ခွံၬဆၧနၪလၧ ယမံၩ့, မိချဲၩ့ထၪ့ဆၧလၧ ၦဂူၫဂၩၥံၪအလၨလခီၫ. မိဖီၪ့ဂူတၭ,အ့ၪအီၩဆၧမၧၩ့ၥံၫနီၪ, မိဘၪဆၧနးမံၩ့ အ့ၬ. မိအီၪက့ၪထၪ့အစူၪလၧၦအဆၫလဖၪအလီၩ့ တၭ,အဝ့ၫၥံၪမိဘျၪထဲၩ့ဝ့ၫလီၫ.

မၩအၥၭဘဲၫနီၪတၭ, ကဆါလီၩလၩ့လၬလၩ့ဆၧ လၧအဝ့ၫၥံၪနီၪအလးခဲၫ့ဆၧအၪ့မၩန့ထၪ့ဝ့ၫလၧမူၭ ခိၪနီၪတၭ, ဆၧၫ့နၩ့ဝ့ၫလၧယွၩအစူၪထွ့ၪအၪ့လခီၫလီၫ. အဝ့ၫၥံၪစဲၪ့လီၩလၩ့လၬလၩ့ဆၧ လၧအလးကိၭစီၪ့ ဒ့ၭတၭ, ကဆါမၩဎုၬဆၧလၧအဝ့ၫၥံၪအၥိၭနီၪမၩ ဂုးမၩခၧၫ့ဆၧအလူအထၫလၧဆၧလၩ့လၭလၧ အမၩ အၥၭနီၪလီၫ.