ယိၩယိၩနံၪ့အထးဖၧၩ့ႇ မုနွ့ၫ (၅)နွ့ၫလနွ့ၫ မုအီၪပွံၭနံၩ

လၧၦၡၩအၥၭမၧၫ့မုကိၭနံၩအဖၧၩ့နီၪ ၦၡၩကဒၪဘၪဆၧႇ ၦၡၩလ့ၩဆၧထဲၩ့ဆၧႇ မၩဆၧဖံၭဆၧႇ ဒဲ ဆၧဖိၪဆၧဎါႇ ဆၧထံၭဆၧဘီၩ့အဆၧၥၭမၧၫ့အဂးဒၪလ့ၬ ဆၧဖၩ့နီၪ အကၧၩ့ဒိၪဝ့ၫနၭမၬလီၫႉ ဆၧဖၩ့အ့ၪလအီၪဘၪႇ ဆၧၥၭမၧၫ့အီၪအ့ၬႉ 

လၧပၥၭမၧၫ့အထီယီၩ ဆၧလၧပဒိၭန့ဘၪလဖၪႇ ဆါယွၩအခိးအတၩလဖၪနီၪ  ပကဘၪၥိၩ့ဝ့ၫလၧပနၫ့ဆါဒၪဝ့ၫအဂးလၧၫ့လကၭလၧၫ့ႇ ပကဘၪၥိၩ့လၧၦဂူၫဂၩၥံၪအဂးဆ့လီၫႉ ကဆါယ့ၫၡုၬစံၭထၬဝ့ၫႇ နၥံၪန့ဘၪဆၧပျီၩ့ပျီၩ့တၭႇ ဖ့ၪလၫ့ဆၧပျီၩ့ပျီၩ့ဆံၭႉ 

ဘဲၫနီၪအၥိၭလၧၦၡၩၥံၪဒၪဘၪ နၥံၪအဆၧမၩဂ့ၩ လဖၪအကၠီၩ့ မိဒုၭလၩဖၩ့နၥံၪအဖါအီၪဝ့ၫ လၧမူၭခိၪ အဖၧၩ့တၭ, နၥံၪအဆၧဖၩ့နီၪ,မွဲအဖၩ့ထၪ့ဒၪဝ့ၫ လၧအဝ့ၫၥံၪအမ့ၬယၫဆံၭ. 
ဘဲၫၥိၭၦၡၩကအၪ့အူၩပၧၩအဂးနီၪ လမွဲဘၪတၭႇ မွဲဘဲၫၥိၭၦဂူၫဂၩၥံၪ ကၥ့ၪယၫ မၩလၩ့မၩဖၩ့ ကဆါယွၩအခိးအတၩအဂး ပကဘၪမၩဖျီၪ့ထၪ့ႇ ပဆၧဆူနဲၩႇ ဆၧဆၧဖံၭဆၧမၩအဂ့ၩႇ ပတခ့ၭဖဝၭအတီၩအဆံၫ့လဖၪနီၪ လၧၦၡၩၥံၪအမ့ၬယၫလီၫႉ 
အဂဲးဘဲၫယီၩလၧအၥၫ့ နၥံၪမွဲဆၧအခံၭႇ အ့ၪမွဲဘဲၫနဲၪ့ယီၩႇ  နၥံၪမွဲဆၧအဖၩ့ လၧကဆါအဖၧၩ့တၭႇ လ့ၩဆၧဘဲၫဆၧဖၩ့ဖိၪအၥိၪနီၪဆံၭႉ အဂဲးဘဲၫယီၩ ဆၧဖၩ့နီၪ အဆၧၥၪမွဲကယဲဆၧမၩဂ့ၩႇ ဒဲဆၧတီၩဆၧလီၩ့ႇ ဒဲဆၧမွဲဆၧတီၩလီၫႉ  
အဲၪကွံၩဘၪထၧၫ့ဖုဝဲၦဆူနဲၩဖိၪထီးလူၬၥံၪဧ့ႇ
ဘဲၫထံၫလၪနီၪ လၧၫ့ဎွ့ၩလၧဆၧအဂၪ့ လၧ မၩအွံၪထၪ့ဆၧၫ့ထၪ့ ဆၧအၪ့အဆၧအီၩအၥိၭႇ ပဝ့ၫဒၪကဆါယ့ၫၡူၬအထံၩအဖျဲလဖၪနီၪ ကဘၪလၧၫ့ဎွ့ၩဝ့ၫ လၧဆၧအီၪၥၭဆၧၩ့ႇ ဆၧၥ့ၪယၫနၪၥ့ၪႇ ဆၧခိးဂဲးခိးဘၭႇ ဆၧဖ့ၪဂဲးဖ့ၪ ဘ ၭနီၪလီၫႉ 
ဘဲၫဆၧဖၩ့နီၪ နဲၪအ့ၪၦၡၩဖၧၩ့ၥၭႇ ဖၩ့ထၪ့လၧဆၧခံၭအကျၩအၥိၭႇ ယ့ၫၡူၬအထံၩအဖျဲလဖၪနီၪ ၦလၧအအီၪလၧဆၧခံၭကျၩႇ ၦလၧအလ့ၩဘၪမၪဖၧၩ့ၥၭလဖၪအဂး ကဘၪနဲၪဖၧၩ့ၥၭအတီၩအလီၩႇ ခၫ့ဖျီၫ့လၧဆၧချဲၩ့ဆၧၥီၪ့ဆၧၥၫ့ ဆၧဒီၩ့ဂ့ၩထံၬဘၪ ဒဲတခ့ၭဖဝၭအတီၩအဆံၫ့နီၪလီၫႉ