Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
ယိၩယိၩနံၪ့အထးဖၧၩ့ႇ မုနွ့ၫ(၃၃)
ၦဎြံၬဖိၪၥံၪအဆၧၥၭမၧၫ့ယီၩ ဘဲၫၥိၭပကထီၩ့ဝ့ၫဒၪ လၧထံၫခးဘၩ့မုးအဂး ပကဘၪအီၪက့ၪဂုးခၧၫ့ဝ့ၫဒၪ ပၥုၪ့ပၥၭနီၪလီၫႉ ၦဎြံၬဖိၪၥံၪယီၩ ပအီၪဝ့ၫလၧဂၪ့ခိၪချိၫ့ယီၩအထီ ဆၧလၧပဘၪဒၪခီၩ့ဆၧလဖၪ ပဆၧကၪဆၧဂဲၩႇ ပဆၧၡၪ့ဆၧနၭလဖၪအကျၩ ပကဘၪအီၪက့ၪထၬ ဆၧယိလါနီၪလီၫႉ ပကဘၪအီၪဎုၬဝ့ၫဒၪ လၧကဆါယွၩကၠၧၫ့ကၠၧၫ့ဒဲ ပဖ့ၪလၫ့လၩ့ပၥၭ လၧကဆါယွၩအစူၪဖၧၩ့အဂး ပကဘၪအီၪက့ၪဝ့ၫဒၪ လၧဆၧအီၪတဲၩ့ဝဲၩအဖၧၩ့နီၪလီၫႉ
ကဆါဎြံၬနီၪ မွဲဝ့ၫၦလၧအဖ့ၪလၫ့ပၧၩ ဆၧၥၭမၧၫ့ၥၭၡီၩ့န့ဝ့ၫဒၪႇ မွဲဝ့ၫၦအတီၩအလီၩ့ ဒဲၦဆံၫ့ဎံၪထုၬနီၪလီၫႉ အ့ၪမွဲပကအီၪဎုၬ လၧအဝ့ၫကၠၧၫ့ကၠၧၫ့ ဒဲအ့ၪမွဲကဆါယွၩကအီၪလၧပၥၭခံဖၧၩ့စွါဘိၩ ပဆၧၥၭမၧၫ့ဖၧၩ့နီၪ မွဲဆၧအလိၫလအီၪလၧၩ့ဘၪနးမံၩ့နီၪလီၫႉ
လၧပဆၧၥၭမၧၫ့ဖၧၩ့ ပဘၪဒၪခီၩ့ဆၧၫ့ယၫ ဆၧၡၪ့ဆၧနၭ ဒဲဆၧကၪဆၧဂဲၩ ဒဲဆၧၥုၪ့ခိၥၭဂီၩလၧဖၪအကျၩ ကဆါဎြံၬအီၪဎုၬလၧပဝ့ၫၥံၪကၠၧၫ့ကၠၧၫ့နီၪလီၫႉ ၦဎြံၬဖိၪၥံၪအဆၧၥၭမၧၫ့ယီၩ ပကဘၪၥ့ၪယၫပကဆါဒဲ ပကဘၪထိးပၥၭလၧပကဆါနီၪလီၫႉ စၭထၪ့ခီၫလၧပဒိၭန့ဆၧၥူၫဝၭဆံၫ့ဎံၪစကရၫမဲၫတူၩဂီၩ့အထီးနီၪ ပလၩ့ဘူၭထၪ့လၧကဆါဎြံၬနီၪလီၫႉ ဆၧနီၪအကၠီၩ့ ပဝ့ၫၥံၪယီၩ ပကဘၪကဲၪဎြံၬအဆၧထိးၥၭလဖၪနီၪလီၫႉ
ပဝ့ၫၥံၪကဘိၪ့ထၪ့ဘၩထၪ့ကဆါနီၪ မွဲဝ့ၫဒၪအ့ၫမၫနူၫအဲႇ ကဆါအအီၪလၧပၥိၭနီၪလီၫႉ ဆၧနီၪအကၠီၩ့ ကဆါအီၪပၥိၭကိၭအဆၧၫ့ကိၭအထီဒ့ၭအဂဲး ပကဘၪဆူနဲၩလၧဆၧအီၪက့ၪလူဒိၪဎွ့ၩဒိၪအဖၧၩ့တၭႇ ပကဘၪဆုးထဲၩ့အီၪမၧၫ့ထၪ့ ပဆၧၥၭမၧၫ့လၧဆၧအီၪမၧၫ့အီၪဂဲၩအဂ့ၩအဖၧၩ့နီၪလီၫႉ
Add new comment