မွဲပကဘၪလီၩလၩ့လၬလၩ့

ကဆါဎရံၬဆၧအဲၪ ထံၩၥိၭမုခွၫထီးလူၬၥံၪဧ့ ၥၭဎွံၪမုၬမုၬနဲ မုကနံၩယီၩ ဂဲၫထီၩဝ့ၫဒၫလၧ မုနွ့ၫနံၩနွ့ၫကနွ့ၫယူၭနီၪလီၫႉ မုကနံၩ လံၬဆံၫ့ဎံၪဆၧၥၭထိၬပရၧၫ့ဖၧၩ့ ပနါဂၧၫ့ဘၪ ယ့ၫရူၬအထံၩအဖျဲအဆိၫထုၬလဖၪ အဂဲးနီၫလီၫႉ လံၬဆံၫ့ဎံၪဖၧၩ့ စံၭထၭဝ့ၫဒၪ ၦလၧအနါဂဲၫ့ဆၧလၧစယီဟၫ့နီၪတၭႇ ဖိၬထၪ့ ယ့ၫရူၬအခဲၫ့နံၫဂၩနီၪ မွဲစအၫ့ဒူၫထၧၫ့ဖုဝဲ လၧစစဲမၧၫ့ပံတၧၫ့တၭ အဝ့ၫနီၪအၪ့ဎၬဒၪန့ဆိၫအထၧၫ့ဖုဝဲစစဲမၧၫ့တၭ စံၭအဝ့ၫ ပဒၪန့ယူၭ မစဲအၫယူၭႇ ဘဲၫၦစံၭဆၧအၥိၭႇ နီၪလီၫႉ

အ့ၪပအၪ့ဎၭဆီၩ့မီၫ့ မုကနံၩယီၩ လံၬဆံၫ့ဎံၪဆၧၥၭထုၬပရၧၫ့စွါဘိၩ ပဒၫဘၫ ကဆါယ့ၫရူၬကိၭန့ အထံၩအဖျဲ နံၩဂၩနီၪလီၫႉ ယ့ၫရူၬကိၭန့ထဲၩ့ အထံၩအဖျဲ နံၩဂၩနီၪ ဘၪမန့လဲႉ ယ့ၫရူၬကိၭထဲၩ အထံၩအဖျဲ နံၩဂၩ မွဲဝ့ၫ မုလါ ကမၩဆၩ့ အနၩ့ဆါအဂးနီၪလီၫႉ

ကဆါယ့ၫရူၬ အထံၩအဖျဲၥံၪလဖၪ  အဆၧဖံၭဆၧမၩနီၪ မွဲဝ့ၫဒၪ ကဘၪလီၩလၩ့လၬလၩ့ ကဆါယ့ၫရူၬအဆၧၥၭထုၬပရၧၫ့ ဒဲ ယွၩအဆၧၥီၪ့ထဲၩ့ၥၫ့ထဲၩ့ၥံၪလဖၪနီၪလီၫႉမွဲဆၧဘဲၫနီၪၥိၭ ပဎရံၬဖိၪၥံၪလဖၪအဆၧမၩနီၪ မွဲပကဘၪလီၩလၩ့လၬလၩ့ ကဆါယ့ၫရူၬ အဆၧၥီၪ့ထဲၩ့ၥၫ့ထဲၩ့ၥံၪလဖၪနီၪလီၫႉပကဘၪၥီၪ့ထဲၩ့ၥၫ့ထဲၩ့ ကဆါယ့ၫရူၬအဆၧၥီၪ့ထဲၩ့ၥၫ့ထဲၩ့လၧ ပဆၧၥၭမၧၫ့ ဒဲဆၧဖံၭဆၧမၩၥံၪလိၪဝ့ၫဒၪနီၪလီၫႉ အနီမၬ ၦခမျၧးၥံၪလဖၪ ကၥ့ၪယၫယွၩဂီၩ ကဆူနဲၩယွၩကန့ဝ့ၫဒၪနီၪလီၫႉႉႉ