မုအီၪပွံၭနံၩ မုနွ့ၫ (၁၅)

...ကဆါယွၩၥီၪ့ၥၫ့ပၧၩဒဲ အဆၧမၪလူၬလဖၪ ပၥ့ၪယၫဂ့ၩဘၪစဲၪလါနၫ့ဂ့ၩ ပဒီၪနါလီၩ့ဖိၬအ့ၬႇ ပၥၭအီၪန့ၫဒၪကျိၪစ့ၩဒဲ ဂၪ့ခိၪအဆၧမုၬဆၧလၩနီၪတၭႇ ကဆါယွၩအလူအထၫနီၪ မဲၪထၪ့လၧပၥၭခံဖၧၩ့လန့ဘၪနီၪလီၫႉ 
မုအီၪပွံၭနီၪ ပကဘၪဖ့ၪလၫ့ထဲၩ့ကဆါယွၩအဂးနီၪ ပအဲၪဒိၭမၩဆၧဒဲပမၩဆၧမၩမုၬဝ့ၫဒၪနီၪလီၫႉ ပကဆီၫ့မီၪ့အၪ့ဎၬလၩ့ထဲၩ့ၥၭ မုကနံၩယီၩ ကဆါယွၩဒဲကျိၪစ့ၩႇ ကဆါယွၩဒဲဂၪ့ခိၪအဆၧထူၭဆၧလၧၫ့လဖၪ မွဲပဖိၬထၪ့မပၫလဲၪအခဲၫ့လဲၪႉ အ့ၪပဖိၬထၪ့ ကဆါယွၩအခဲၫ့တၭႇ မွဲပကန့ဘၪ ဆၧၥၭမၧၫ့ဆိၩကၠၪလီၫႉ အ့ၪပကဖိၬထၪ့ကျိၪစ့ၩအခဲၫ့ ဒဲဂၪ့ခိၪအဆၧထူၭဆၧလၧၫ့လဖၪနီၪ မွဲပကယဲၩ့ထၪ့ လၧကဆါယွၩဂီၩ့ ပဆၧၥၭမၧၫ့ဆိၩကၠၪ ကလၩ့မါဝ့ၫဒၪဒဲ ပကထီၩ့ဝ့ၫဒၪလၧဆၧခံၭအကျၩနီၪလီၫႉ 
ကဆါယွၩတဲၩ့လၩ့ထၬပၧၩ အဆၧထိစိၩလမံၩ့ဎးနီၪ ဘဲၫပကမၧၫ့ထၪ့ထဲၩ့ဘဲၫအဝ့ၫအၥိၭႇ ဘဲၫပကထိးန့ဘၪမူၭခိၪဘၩ့မုးအဂးနီၪလီၫႉ 
ဘဲၫပကဲၪထၪ့ ဘၩ့မုးဖိၪအဂး ပဆၧၥၭမၧၫ့ကိၭနံၩဒ့ၭ ပကခိၪနၪကဆါယွၩအလူအထၫ ဒဲပကဘၪလီၩ့ဖိၬကဆါယွၩအဆၧမၪလူၬလဖၪနီၪလီၫႉ ပအီၪလၧဂၪ့ခိၪချိၫ့ယီၩအထီ ပဂဲးဆါဘၭဆါႇ ပမွဲဆၧဒဲၩဘၭဖိၪလါနၫ့ဂ့ၩႇ ကဆါယွၩနီၪ ခွံၬၡိၭပၧၩနးကၠၪအ့ၬႉ ပကလၩ့ဂၬကဆါယွၩအဖိၪအဂး ပကဘၪဆုးထဲၩ့ၥၭမၧၫ့ လၧဆၧဆူနဲၩကဆါယွၩဒဲ ပကခိၭနၪလီၩ့ဖိၬကဆါယွၩအဆၧၥီၪ့ဆၧၥၫ့ ကိၭဂၩဒ့ၩလါဆံၭႉ