မုအီၪပွံၭနံၩႇ မုနွ့ၫ(5) နွ့ၫလနွ့ၫ

Sunday, February 06, 2022

ထၧၫ့ဖုဝဲၦဆူနဲၩဖိၪထီးလူၬၥံၪဧ့ႇ ကနံၩယီၩ ယိၩယိၩနံၪ့အထးဖၧၩ့ႇ မုအီၪပွံၭနံၩႇ မုနွ့ၫ(5) နွ့ၫလနွ့ၫႇ မးၥံၫနံၩလီၫႉ လၧအဖီၩ့ခွံၬဒၪ မုအီၪပွံၭနံၩအိၩႇ လၧလံၬၥၭထိၬအပရၧၫ့ဖၧၩ့ႇ ၦနၫဇရ့ၭဖိၪ လထိဆၧၫ့ဘၪယ့ၫၡုၬလကၭလၧၩ့ႇ မိမၩၥံၫအဝ့ၫနီၪလီၫႉ ဆၧနီၪအကၠီၩ့ႇ ယ့ၫၡုၬထဲၩ့ထဲၩ့လၧဂၫလလံၫႇ လ့ၩထီၩ့လၧကၫပနအၫ့တၭႇ လီၩ့လၩ့လၭလၩ့ဆၧလၧ အစီၩ့အမၩ့ႇ နၫ့ထၪ့ခွံၬဆၧနၪႇ မၩဘျၪထဲၩ့ စစဲမၧၫ့အမံၩ့ၡါအဆၧဆူၪဂိၬ ဒဲၦစူၭၦဆၫအဂူၫဂၩအၪဂၩလ့ၬအကၠီၩ့ အမံၩ့ဂၧၫ့ထၪ့ၥၩလၩ့ဝ့ၫထၧၫ့ဎံၩ့ယၫလီၫႉ

ကနံၩယီၩႇ လၧလံၬဆံၫ့ဎံၪဆၧၥၭထိၬအပရၧၫ့အဖၧၩ့ႇ ပနါဂၧၫ့ဘၪ ကိၭန့အထံၩအဖျဲအဆိၫထုၬလဖၪအဂဲးလီၫႉ ယ့ၫၡုၬဂဲထီၩ့လၧကွံၩဂန့ၭဇရ့ၭအနဲၩ့ထံၭတၭႉ ၦခမျၧးဂဲလၧအအီၪႇ ဂဲၫခိၭနၪယွၩအလူအထၫလီၫႉ ယ့ၫၡုၬ လ့ၩထၪ့ဆၧၫ့နၩ့ဝ့ၫလၧစစဲမၧၫ့အချံၫဖၧၩ့တၭ ၥီၪ့ထဲၩ့ၥၫ့ထဲၩ့ၦခမျၧးလီၫ.- ထီးအလီၩလၩ့လၬလၩ့ဆၧဂီၩ့တၭ, စံၭ စစဲမၧၫ့ ၥုၭစိၩချံၫလၧထံၫယိၬတၭ, ဘဲၫၥိၭနၥံၪမိန့ဘၪယၪနီၪ, ခွံၬလၩ့နၥံၪအၡၬဘီၪ.

(ဆရၫဧ့) Master ကဆါဧ့, ၦမၩယူၭၥၫ့နၩချီၩ့တၭ, ပန့ဆၧနးမံၩ့အ့ၬ. မွဲလါနၫ့ဘိၩလၧနလူအကၠီၩ့တၭ, ပမိခွံၬလၩ့ၡၬလီၫ.....