မုအီၪပွံၭနံၩႇ မုနွ့ၫ(၆) နွ့ၫလနွ့ၫ

ကဆါယွၩၥီၪ့လိၪနဲၪလိၪအ့ၪ ၦၡၩဖၧၩ့ၥၭလၧအထီၩ့ လၧဆိၪဂ့ၩအလးႇ ဆၧထိးထဲၩ့တၩ့ထဲၩ့အလးလီၫႉ ဆၧဆိၪဂ့ၩယီၩအီၪဂဲၫလၧယွၩအအီၪလါနၫ့ ဆၧဆိၪအၧၩ့ယီၩ အီၪဂဲၫလၧယွၩအအီၪအ့ၬႉ ဆၧဆိၪဂ့ၩလၧယွၩဖ့ၪလၫ့ပၧၩနီၪ အ့ၪပထိးဆၧၫ့ဘၪႇ ၦမၩကဲၪဒၪပဝ့ၫ ဆၧၥုၪ့အုၭၥၭအုၭႇ ဒဲကဲၪထၪ့ဆၧဆိၪအၧၩ့လီၫႉ

ဆၧဆိၪအၧၩ့ႇ ဆၧၡၪ့ႇ ဆၧၥုၪ့အုၭၥၭအုၭယီၩ မွဲၦၡၩအဆၧရွံန့ႇ ၦၡၩအဆၧမၩလီၫႉ မွဲယွၩအဆၧမၩကဲၪထၪ့အ့ၬႉ

ယ့ၫၡုၬအနၫ့ဆါဒၪဝ့ၫ မွဲၦၡၪ့ဖိၪယၬဖိၪကဂၩလီၫႉ အီၪဖျဲၪလၧချီအၪ့အဆၪအလးႇ ဂၪ့ႇအမ့ၬထံၫလၩ့ လၧစလၫဇရူၩအဂးႇ လၧယရုစလံၫ့အဂးႇ ၥၭဝံအၥၭလမံၩ့လၬကျၩႇ ဒဲၥၭဝံအၥၭလၧထံၫလၧထုၪ့စူၪယၫအလီၩ့ႇ ယ့ၫၡုၬအနၫ့ဆါဒၪဝ့ၫ ဘၪဆၧမ့ၬလဲၩႇ ဆၧဒုၪဒွ့ၪႇ ဆၧမၩအၧၩ့မၩနၭဝ့ၫလီၫႉ

ဘဲၫပကဖိၬထၪ့ဖၧၩ့ၥၭလၧယ့ၫၡုၬဖိၬထၬဝ့ၫႇ လၧအထီၩ့လၧဆၧဆိၪဂ့ၩအလးနီၪ ယ့ၫၡုၬဖံၭၥိၭပၧၩကိၭဂၩဒ့ၭလီၫႉ