ဘိၪ့လ့ၩဖၭအဆၧၫ့အထီ မုအီၪပွံၭနံၩႇ မုနွ့ၫ(၂)

အဲၪကွံၩဘၪထၧၫ့ဖုဝဲၥံၪဧ့ႇ လၧလံၬဆံၫ့ဎံၪလနံၩယီၩအဖၧၩ့ႇ စယီဟၫ့လီၩၥ့ၪယၫအ့ၪအဆၧၥၭထိၬအပရၧၫ့အဆၧထိစိၩလီၫႉ
ဆၧလၩ့လၭလၧအဂူၫဂၩ လၧအလကွ့ၭဘၪအၥၭ လၧလံၬယီၩအဖၧၩ့, ယ့ၫၡုၬမၩဝ့ၫလၧအထံၩအဖျဲၥံၪ အမ့ၬယၫအၪမံၩ့လီၫ.- ဘဲၫၥိၭနၥံၪမိနဲၩလၧ ယ့ၫၡုၬမွဲဎရံၬ, ယွၩအဖိၪခွၫနီၪ, နၥံၪနဲၩဆၧအကၠီၩ့တၭ, နၥံၪမိန့ဘၪဆၧမၧၫ့ လၧအမံၩ့အဖၧၩ့နီၪ, ဆၧလဖၪယီၩ ဘၪဆၧကွ့ၭအၥၭလီၫ.

ယ့ၫၡုၬစံၭအထံၩအဖျဲႇ နဒၪဘၪယၧၩအကၠီၩ့တၭႇ နနဲၩနဝ့ၫႇ ၦလၧအဒၪဘၪယၧၩလါနၫ့ဘိၩ့ နဲၩဝ့ၫလဖၪ ဘၪဆိၪဂ့ဝ့ၫဒၪလီၫႉ
လၧပၥၭမၧၫ့ကိၭနံၩဒံၭအဖၧၩ့ယီၩႇ ပလဒၪဘၪယ့ၫၡုၬလၧပမ့ၬၥၪလါနၫ့ႇ လၧဆၧဆူနဲၩဖၧၩ့ႇ ပနါဂၧၫ့ဘၪယ့ၫၡုၬအလူၬအထၫလၧလံၬဆံၫ့ဎံၪဖၧၩ့ႇ ပဒၪဘၪကဆါယွၩအဆၧဂ့ၩဆၧဘွၩလၧဂၪ့ခိၪချိၫ့အနဲၩ့အဎီၩ့ဖၧၩ့ႇ ပဒၪဘၪဒဲပထိၭဘၪယ့ၫၡုၬအီၪက့ၪၥူၫၥၭလၧၦစူၭၦဆၫႇ ၦၡၪ့ဖိၪယၬဖိၪအဖၧၩ့ႇ ဒဲလၧစဲၭကရမဲတူၩလဖၪအဖၧၩ့လီၫႉ