ဘိၪ့လ့ၩဖၭအဆၧၫ့အထီ မုအီၪပွံၭနံၩ(၃)

ဘိၪ့လ့ၩဖၭအဆၧၫ့အထီ မုအီၪပွံၭနံၩ(၃)

အ့ၪမွဲပလုထၪ့မံဆၩအခၫ ကဆါယ့ၫၡုၬနီၪ အီၪလၧပၧၩကၠၧၫ့ကၠၧၫ့နီၪလီၫႉ ကဆါယ့ၫၡုနီၪ အီၪလၧပၥိၭပကျၩဖၧၩ့နီၪလီၫႉ အ့ၪပဒိၭန့ဘၪကိၪဘိၪ့ဆံၫ့ဎံၪအခၫႇ ပန့ဘၪကဆါယ့ၫၡုၬအၥွံၪအယၪနီၪလီၫႉ အ့ၪမွဲပအၪ့ပအီၩဘၪ ကဆါယ့ၫၡုၬအၥွံၪအယၫအခၫႇ ကဆါယ့ၫၡုၬနီၪ အီၪလၧပၧၩကၠၧၫ့ကၠၨၫ့နီၪလီၫႉ မွဲဆၧဘနီၪအကၠီၩ့ႇ လၧပကၭၥလံၬဖိၪၥံၪအဂး မံဆၩဆၧလုထၪ့နီၪ မွဲဝ့ၫဒၪကဆါယ့ၫၡုၬအဆၧဖံၭဆၧမၩနီၪလီၫႉ ပနၪ့ထၪ့ထဲၩ့ဘၪ ကဆါယ့ၫၡုၬအဆၧဖံၭဆၧမၩလကၭဒံၭဘၪ ပန့ဘၪကဆါယ့ၫၡုၬအၥွံၪအယၪလဖၪနီၪလီၫႉ 
ကဆါယ့ၫၡုၬနီၪ အီၪလၧကိၪဘိၪ့ဆံၫ့ဎံၪစၭကရၫမဲၫတူၩအဖၧၩ့နီၪလီၫႉ လၧပကၭၥလံၬဖိၪၥံၪအဂး မံဆၩဆၧလုထၪ့နီၪ မွဲဝ့ၫဒၪဆၧအကၧၩ့ဒိၪထုၬကမံၩ့နီၪလီၫႉ 
လၧအခံၫ့အခၫယီၩ ပဒၪခီၩ့ဆၧၫ့ယၫ ဆၧစူၭဆၧဆၫႇ ဆၧၡၪ့ဆၧနၭၥံၪလါနၫ့ဂ့ၩ ကဆါယ့ၫၡုၬနီၪ အီၪလၧပၧၩကၠၨၫ့ကၠၨၫ့လီၫႉ ပကဘၪဆူနဲၩကဆါယ့ၫၡုၬဂီၩ့ႇ ပကဘၪအၪ့ကံၩ့ဘၩဆိၪဖၪလၧအနၫ့ဆါအအီၪနီၪလီၫႉႉႉ ပကဘၪအၪ့န့ပဂဲးပဘၭလၧအနၫ့ဆါအအီၪနီၪလီၫႉ