နစူၪအ့ၪမၩလၩ့ထံၩဖါနၧၩတၭ, ဒၪ့ထ့ၬခွံၬဆံၭ

စယီဟၫ့ချဲၩ့ထၪ့ဆၧ, စံၭဝ့ၫ,ဆရၫဧ့,ပဒၪဘၪၦလဂၩ, လၧအလဖိၬဘၪပခဲၫ့တၭ, နၫ့ထၪ့ခွံၬဆၧနၪလၧနမံၩ့နီၪ, ပပဒၩ့ထၬအဝ့ၫနီၪလီၫ. အဂဲးဘဲၫယီၩလဖိၬဘၪပခဲၫ့လီၫ.- ယ့ၫၡုၬစံၭဝ့ၫ, ထီးပဒၩ့ထၬအဝ့ၫလဂ့ၩး အဂဲးဘဲၫယီၩ ၦလၧအမၩလၩ့လၭဆၧလၧယမံၩ့နီၪ, စံၭအၧၩ့ယၧၩယီၫခိၬၥ့ၪနးဂၩအ့ၬ.- အဂဲးဘဲၫယီၩ ၦလၧအလထၫ့ဒုၪဒၩဘၪပၧၩနီၪ, မွဲအအီၪလၧပဂးလီၫ.- နၥံၪဘၪဆဲၫ့လၧဎရံၬအကၠီၩ့တၭ, ထီးဒၪၦလၧအဒုၭအီၩနၥံၪ လၧထံၫအချံၪ့နးဘျႃၪ့ လၧယမံၩ့အကၠီၩ့လဂၩဂၩနီၪ, ယလီၩဘၪနၥံၪတီၩတီၩယီၩ, အခိးအတၩလၩ့မါဘၪဝ့ၫအ့ၬ.

ထီးဒၪၦလဂၩဂၩလၧအမၩလၩ့ထံၩဖါ ၦလၧအဆံၭလၧအနဲၩထဲၩ့ယၧၩလဂၩနီၪ အခိၬအ့ၪဘၪဆၧစၧၩ့ ထၬလၧဆုၪ့ဂူၬလိးတၭ, ဘၪဆၧခွံၬလၩ့ခွံၬဝ့ၫလၧမၫဆမံၭအဖၧၩ့နီၪ, မွဲအဂ့ၩဒၪအဆၧဒံၭလီၫ.

နစူၪအ့ၪမၩလၩ့ထံၩဖါနၧၩတၭ, ဒၪ့ထ့ၬခွံၬဆံၭ. နအ့ၪလ့ၩနုၬအီၪဘၪလၧဆၧမၧၫ့အဖၧၩ့ လၧနစူၪထူၬ နီၪ, ဂ့ၩနဲၪ့ဒံၭနလ့ၩနုၬလၩ့လၧလရၬ, လၧမ့ၪလၧအလၩ့ဖံၬခွံၬလၥ့ၪဘၪအဖၧၩ့ လၧနစူၪနံၫခီၫလူၬဒံၭလီၫ. 

ဆၧထီးနီၪလိၪ့လၥံၫဘၪတၭ, မ့ၪလလၩ့ဖံၬဘၪလီၫ.- နခၪ့အ့ၪမၩလၩ့ထံၩဖါနၧၩတၭ, ဒၪ့ထ့ၬခွံၬဝ့ၫ ဆံၭ.နအ့ၪလ့ၩနုၬဘၪ လၧဆၧမၧၫ့အဖၧၩ့ လၧနခၪ့ထူၬနီၪ,ဂ့ၩနဲၪ့ဒံၭနဘၪဆၧခွံၬလၩ့နၧၩလၧလရၬ, လၧ မ့ၪလၧအလၩ့ဖံၬလၥ့ၪဘၪအဖၧၩ့ လၧနခၪ့နံၫခီၫလူၬဒံၭလီၫ.- ထီးနီၪလိၪ့လၥံၫဘၪတၭး မ့ၪလလၩ့ဖံၬဘၪလီၫ.- နမ့ၬၥၪအ့ၪမၩလၩ့ထံၩဖါနၧၩတၭ,အီၩ့ခွ့ၭထၪ့ခွံၬဝ့ၫဆံၭ. နအ့ၪလ့ၩနုၬဘၪ လၧယွၩအဘၩ့အမုးအဖၧၩ့လၧနမ့ၬၥၪလတီၪ့နီၪ, ဂ့ၩနဲၪ့ဒံၭနဘၪ ဆၧခွံၬလၩ့ခွံၬနၧၩလၧလရၬမ့ၪဖၧၩ့ လၧနမ့ၬၥၪနံၫတီၪ့လူၬဒံၭလီၫ.- ဆၧထီးနီၪလိၪ့လၥံၫဘၪဝ့ၫတၭ, မ့ၪလလၩ့ ဖံၬဘၪလီၫ.